Cally - 上水广场、将军澳中心等新地六大商场破天荒呈献 全港首个「Pixar Sweet Dreams圣诞甜梦之旅」贺圣诞 | 商界讲呢啲
今个圣诞，新地旗下6大商场（上水广场、北角汇、将军澳中心、PopWalk天晋汇、卓尔广场、life@KCC）呈献全港首个「Pixar Sweet Dreams圣诞甜梦之旅」圣诞装置，多部人气动画角色，包括《怪兽公司》、《反斗奇兵》、《玩转脑朋友》及《熊抱青春记》化身成甜蜜嘅「棉花糖」，以五大感官体验圣诞甜梦之旅，共度甜蜜圣诞！
上水广场「劳苏」香气小镇 感受嗅觉体验
上水广场2米高嘅「巨型士多啤梨香味劳苏」，散发住诱人嘅士多啤梨香味，令人忍唔住想靠近啲。由「彩虹梦幻之路」出发，劳苏带您穿梭梦幻世界，展开一场奇妙旅程。记得喺「星星毛毛打卡墙」打卡，同朋友一齐一定甜到满泻。
与此同时，「迪士尼˙彼思期间限定店」亦登陆上水广场，推出超过300款限量精品。活动期间，仲有棉花糖售卖机，可以即场试下独特造型嘅棉花糖，同朋友过一个甜蜜圣诞！
将军澳中心「怪兽公司」 声梦馆感受听觉体验
将军澳中心以《怪兽公司》为主题，毛毛同大眼仔化身「棉花糖」员工，2米高嘅毛毛更邀请你畅玩「彩虹打卡滑梯」！轻轻摸「WOW毛毛哈哈墙」嘅星星，毛毛就会发出「哈哈」笑声，同你欢渡圣诞。记得与大眼仔拍下搞笑相，将快乐声音散播每个角落！限定店亦登陆将军澳中心，过百款全新主题精品俾大家随意挑选，千祈唔好错过！
北角汇「甜蜜棉花糖派对」 感受味觉体验
Pixar Sweet Dreams系列角色更总动员现身北角汇，阿乐同阿愁化身可爱嘅「棉花糖」，企喺缤纷彩虹上面同大家挥手，唔好错过同经典角色影相，留下美好回忆。
另外，「棉花糖美食车」摆满迷你版棉花糖造型嘅角色，可爱到爆灯，等大家尽情享受圣诞佳节带嚟嘅甜蜜味觉体验。仲可以去「Pixar Sweet Dreams休憩区」，有大眼仔、毛毛、Bunny及Ducky陪住你，慢慢入去佢哋嘅圣诞甜梦之旅……
PopWalk天晋汇「玩转脑朋友」 感受视觉体验
喺「乐悠哈哈镜」前，同阿乐一齐影相，咩角度都反射出可爱身形。阿乐仲邀请大家去「自我意识」区域，会根据心情变色，探索一下自己嘅情绪。喺「光影记忆球」下，波波灯折射唔同效果，随手都可影到网红照。入夜后，2.5米高嘅「五色彩云」亦会闪闪发光，让快乐喺心中持续蔓延。
卓尔广场「小熊猫」『摸』法世界 感受触觉体验
卓尔广场2米高嘅「毛茸茸小熊猫月亮装置」同样闪闪发光，小熊猫等紧同大家见面及一齐感受圣诞嘅暖意。唔好错过摸2.5米高嘅「巨形毛毛尾巴」，俾小熊猫一个温暖嘅拥抱。仲可挑战「小熊猫井字过三关」游戏，睇下边个会赢。
life@KCC「幸福反斗之旅」 感受触觉体验
《反斗奇兵》嘅Bunny同Ducky，同样化身可爱「棉花糖」，期待大家嘅到来！步入2米高嘅「梦幻彩虹拱门」，置身喺玩具奇妙世界一样。再同独角兽Buttercup打卡拍照，捕捉梦幻时刻！
