KellyChu - 港铁退休义工成立义剪队 出心出力获婆婆赞剪得好靓 | Executive日记
KellyChu
2024-09-17 02:00 HKT
字體大小
港铁公司喺2005年成立「铁路人 铁路心」义工计划，当年已加入成为义工嘅谭艳艳，喺港铁工作咗30多年，2018年退休之际与几位「拍档」一同成立义剪服务队。团队上周六到访伸手助人协会乐富护老院，为40多名院友义剪，迎接中秋佳节。
谭艳艳指，多年来喺唔同院舍做义工，发现义剪嘅需要，因此成立义剪队，虽然团队每次出动前，都要额外拨出时间及精力预备，但完成活动后都感到满足，珍惜自己仲有能力帮助社会上有需要嘅人。
义剪队义工吕锦珍认为，剪头发能直接按长者需要提供服务，亦可以同佢哋倾吓偈，曾为一位因接受癌症治疗而剩下几根头发嘅婆婆义剪，其实婆婆目的唔系只想剪发，而系想分享其生活及往事。
院长谢雪红形容义工非常细心，会同院友沟通了解发型喜好，院友们对活动都好满意。参与今次活动嘅82岁巫婆婆指，义工「讲嘢好声好气，细细声」，觉得剪咗头发后好靓、好干净。
KellyChu
最Hit
更多文章
