KellyChu - 导赏员沿路讲解 全程约3小时 夜游大潭郊野公园看珍稀物种 | Executive日记
KellyChu
2024-06-03 02:00 HKT
字體大小
香港向来畀人「石屎森林」嘅印象，但其实，有好多宝藏等紧我哋发掘。位于港岛东部嘅大潭郊野公园，就隐藏着唔少珍贵物种，例如香港湍蛙、香港瘰螈、卢氏小树蛙等。港灯同长春社就合办「绿游香港」计划，即日起推出大潭郊野公园「水塘物语」线之「生态演奏厅」夜间导赏团，沿路有生态专家，同大家讲解分享路上见到嘅各种珍贵小动物。小妹早前就有幸参加咗一次，又认识一个全新嘅香港！
导赏团以大潭郊野公园闸口为起点，行至郊游地点（烧烤区），中途经过苗圃路段、大潭家乐径河溪等。全程唔长，如果步行，只要约20分钟。但夜间唔少两栖动物都会喺呢度出没，例如香港特有嘅卢氏小树蛙、香港唯一有尾嘅两栖类动物香港瘰螈、本港首次发现嘅两栖类物种短脚角蟾及香港湍蛙、白环蛇等。唔少动物有天然「保护色」，好难用肉眼见到，所以导赏团会带领大家沿路寻找并欣赏动物，每次耗时约3小时。
听到系咪好吸引呢，导赏团即日起就可以喺「绿游香港」网站报名喇！另外，香港野行创办人兼首席导师苏乐轩就提醒，夜晚唔少动物会行到人行道，佢哋体积好细，例如濒危嘅卢氏小树蛙嘅成年雄蛙，只有约1.5厘米，黑暗中很易被人踩伤。所以大家记得用电筒，确认前方没动物。
KellyChu
导赏员会带领大家沿路寻找并欣赏动物。
最Hit
更多文章
