KellyChu - 身为业主挺租客 黄光耀撑小店 拿手反沙芋劲正 | Executive日记
KellyChu
2024-05-03 02:00 HKT
字體大小
会德丰地产副主席兼常务董事黄光耀投资有道，又识享受生活，常下厨为朋友制造惊喜，日前佢邀请咗一班同事和传媒朋友食大餐，品尝出色嘅潮汕卤鹅，仲亲自煮咗碟反沙芋作为压轴美食，大家食得津津有味，大饱口福。
黄总选择喺太子「和昌潮汕卤鹅」开餐，唔讲唔知，间舖系黄总嘅，原来佢经常帮衬返自己嘅租客，真系一个好业主，佢大赞和昌出品嘅潮州美食非常出色，值得支持，自己经常来买外卖，好似一款慢煮牛面，又腍又和味，小妹试一件即刻爱上。黄总教路，买外卖返屋企，煮个公仔面，放件慢煮牛面，就系一餐超级美食。和昌出名卤鹅，大家一次过试晒佢哋嘅鹅头、鹅颈、鹅肝、鹅肉同鹅肠，好味到晕。
小妹最爱鹅颈，软腍入味，卤得非常之好，令人回味无穷，餐厅亦提供多款手工菜，其中鸳鸯蟹最为出众，两只蟹盖分别酿入猪肉豆蓉以及猪肉咸蛋，围满碟边嘅蟹钳又鲜甜多肉，菜色丰富滋味。
黄总最后端出亲手炮制嘅潮州甜点反沙芋，小妹知道反沙芋好考功夫，可见黄总手艺无得顶，佢分享秘诀话，反沙芋做得成功与否，最紧要睇芋头靓唔靓，多谢黄总又靓又甜嘅反沙芋！
KellyChu
最Hit
《东张》女神受收兵丑闻缠身终被停工 事隔多月终开腔坚称自律： 喺道德上冇做过唔好嘅嘢
2025-11-22 21:00 HKT
保良局委任Amanda S为烘焙大使 联乘推慈善曲奇 为冬日增添暖意
2025-11-22 08:30 HKT
更多文章
