KellyChu - 经澳门辗转7411公里寻回 港男叹：大癫！ 兰桂坊跌AirPods奇幻漂流到澳洲｜Executive日记
KellyChu
2024-01-13 00:00 HKT
字體大小
唔见咗贵重物品，相信大家都会好紧张，最近就有港男唔见咗自己嘅AirPods（见图），发文话愿意用700元薄酬，又利用iPhone「寻找」功能追踪，点知耳机唔止过大海去咗澳门，仲越洋去到墨尔本！正当事主宣布放弃嘅时候，有当地港人帮佢揾返，仲约好香港交收，结局峰回路转。
最近有一名港男喺FB失物群组发文，表示自己12月30日凌晨喺中环兰桂坊，唔见咗苹果无线耳机，希望网民可以帮佢揾返，愿意用700元薄酬及不作追究。但一直冇人联络佢，透过iPhone「寻找」功能追踪耳机下落时，发现竟已被带到澳门。港男无奈，质问点解唔归还呢？
港男及后更发现耳机坐飞机去咗澳洲墨尔本，总距离有7411公里，指「由中环唔见到澳门再到澳洲，你赢…我放弃」。正当打定输数之际，事情却峰回路转，有喺墨尔本嘅网友联络佢，表示已帮佢揾返AirPods，仲约好3月回港时交收。
原来系因为有大量群友分享及转发，加上澳洲当地几位好心港人愿意到耳机定位地点，结果成功寻回。小妹认为全赖事主坚持到底，成功打动网民！
Kelly Chu
最Hit
更多文章
