KellyChu - 内地青年：睇完好有共鸣 街头涂鸦成打卡热点 「港言港语」劲吸睛｜Executive日记
KellyChu
2024-01-11 00:00 HKT
字體大小
Kelly之前就讲过，香港仲有好多景致等大家发掘，最近又发现一个，就系街头涂鸦！虽然好多人会话，涂鸦随处可见无乜特别，不过近日就成为内地青年来港打卡嘅全新热点，有人形容呢啲系「港言港语」，睇完好有共鸣，仲令人谂起「九龙皇帝」曾灶财嘅墨宝！
最近内地社交平台小红书热推嘅香港打卡点，就系散落各区嘅街头涂鸦，从街道墙壁、到道路边嘅电箱，都可发现呢啲「神秘艺术家」留下嘅作品。大部分只有短短几句，但好多内地青年话睇完好有共鸣，例如「我不要当你的备胎，有事不要打过来」、「明明是太软弱，偏装作硬朗」、「唔好唔开心」、「不甘再没骨气，才应舍弃」、「日日赶头赶命，你唔攰咩」等。
好多内地网民形容，呢啲广东话文字艺术系「港言港语」，大赞香港街道处处充满惊喜，有好多珍贵艺术有待发掘，叫大家到香港citywalk𠮶阵，唔好挂住睇手机，要多留意身边事物！
不过大家都要留意，根据法例，在未经拥有人或占用人同意下，以粉笔、漆油或其他方式，在任何建筑物、墙壁、栅栏或围篱之上书写或留下记号，或将之弄污或损毁其外观均属违法行为，唔好模仿呀！
Kelly Chu
最Hit
更多文章
