KellyChu - 打拼事业 39岁做爸爸 孙玉菡呼吁早生好过迟｜Executive日记
KellyChu
2024-01-08 00:00 HKT
字體大小
香港生育率持续低迷，政府为鼓励生育，向新生婴儿家庭派两万蚊津贴，劳福局局长孙玉菡㖊日出席电台节目时就透露自己生仔育儿嘅心得，形容大女出世时，第一次做爸爸好开心，但自己比较迟先有小朋友，遇到不少困难，因此鼓励年轻人要生就要早啲生！
孙玉菡透露，与太太在读书时期认识，拍拖多年后结婚时仲好后生，所以仍一心想继续为事业打拼，自认喜欢小朋友嘅佢，直言差唔多39岁先做爸爸，比同辈迟，别人子女已经读紧大学，自己子女先读紧小学，所以鼓励年轻人要生就早啲生，因为到某个年纪想生嘅时候都唔系即刻得㗎。
孙玉菡忆道，见到囡囡出世时好开心，但到呢个年纪先有小朋友系战战兢兢，成个过程好多担忧，感恩最后阿囡都健康出世，之后有了经验，生第二个时就容易啲。佢又形容自己系顾家好男人，打两份工，一份工系局长，另一份工就系爸爸。
虽然工作忙碌，但孙玉菡都会尽量抽时间陪老婆仔女，强调维系感情系需要见面，一有时间就会同老婆食饭，亦分享育儿心得，指自己唔会将两个小朋友互相比较，健康快乐成长系最重要，自己小时候好多事情都系自己决定，所以会尊重孩子嘅想法，坦诚沟通，将大家当作朋友。
年轻一代未必个个想结婚生仔，但能够组织一个属于自己嘅家庭，Kelly相信系一件幸福嘅事！
Kelly Chu
最Hit
更多文章
