KellyChu - 有动物互动 有摊位游戏 东九龙动物嘉年华周日回归喇｜Executive日记
KellyChu
2023-11-09 00:00 HKT
字體大小
东九龙总区防止罪案办公室主办嘅「第三届东九龙动物嘉年华」，今个星期日喺观塘海滨回归！现场除咗可以同各种可爱嘅大小动物互动，仲可以即场领养，各位钟意动物嘅朋友，快啲Mark低日子喇！
今年嘉年华主题系「护动显爱心」，免费入场，大家可以带埋爱宠入场游玩，仲可以喺现场接触唔同种类嘅动物、参加摊位游戏、去打卡位影相、欣赏魔术同警犬表演等。大会仲邀请咗《中年好声音》歌手吴大强及歌手钟雨璇现场唱live，等大家同各种动物互动之余，可以浸淫喺美妙音乐里面。更重要嘅系，现场设有动物领养摊位，畀有爱心同负责任嘅你申请领养！
过去两届动物嘉年华虽然喺疫情下举行，但都吸引好多朋友入场。例如去年，大会就邀请咗多间学校、爱护动物协会等参加，好多小朋友都玩得好开心。另外，为咗宣扬爱护动物精神，警务处处长萧泽颐当时亦到场支持，期间仲同一条蛇玩咗下！唔知星期日嘅嘉年华，大家会唔会继续偶遇萧Sir呢？
Kelly Chu
最Hit
TVB富贵人妻自爆做「收缩阴部」手术：未生前已好想做 马主老公聘两专员全天候照顾爱妻
2025-11-21 13:00 HKT
中电电费优惠2026｜ 9大电费资助 长者半价！派$100消费券+$1000津贴 即睇申请资格/方法
2025-11-21 10:56 HKT
将军澳酒楼开业不足一年突结业！上手连锁酒家同样败走 网民分析2大执笠原因
2025-11-21 13:22 HKT
更多文章
