KellyChu - 出钱又出力 弘扬中华文化 中银办敦煌沉浸式艺术展｜Executive日记
KellyChu
2023-11-03 00:00 HKT
字體大小
原来喺香港都可以欣赏敦煌石窟！中国银行（香港）私人银行最近就联乘香港天籁敦煌乐团同饶学联汇，喺中环中银大厦举办《第一号文化洞窟——万籁有声：天籁•地籁•人籁》沉浸式艺术展览，Kelly昨日有幸尝试，一时入迷，真系好似亲身到咗敦煌！而中银香港为弘扬中华文化，出钱出力，好抵赞！
展览以沉浸式艺术装置嘅方式，呈现第一号文化洞窟壁画，并串连天籁、地籁及人籁三组故事，带观众了解敦煌洞窟嘅历史文化。小妹昨日就亲身体验咗，戴住耳机坐喺装置里面欣赏壁画，一时入迷，真系觉得自己好似去咗敦煌！项目音乐总监甘圣希就话，佢觉得敦煌石窟就好似一个音乐厅，好适合播放音乐，于是参考敦煌乐谱，创作咗装置嘅背景音乐，等观众睇壁画嘅同时，可透过音乐了解敦煌文化。香港天籁敦煌乐团创办人及荣誉团长纪文凤就透露，敦煌乐谱年代久远，因此有好大阐释空间，亦造就装置背景音乐嘅无限创意。
中银香港私人银行总经理甘宇文就话，中银作为一间中资银行，有社会义务弘扬中国文化，所以独家赞助今次展览，又笑住话：「银行当然要讲钱，但同时都要讲文化！」今次展览亦为慈善团体及基层学生安排音乐会同教育专场，甘宇文透露，好多小朋友睇到好开心，现场问咗好多问题！
Kelly Chu
更多文章
