曾智华 - 为乜冇晒点心车｜禄禄无穷
曾智华
2023-06-16 00:00 HKT
字體大小
老友，人人话愈来愈少人睇电视，虽然真，但TVB仍坐底有百几万「铁粉」。小弟好日唔亮相电视，上周末同辉哥应马时亨之邀，同佢对谈饮广东茶之情。翡翠台播出后，N咁多回响，包括移民英美加澳的各路老友。
人人热烈怀缅的，是昔日饮茶有推车仔俾你拣点心，逐笼揭，啱就攞。冇似如今，间间唔系填纸就系扫QR code，冇晒「抢点心」的热闹情怀。不过，一切变化必有其道理。酒楼集团掌舵老友P来讯，详细解释点解会搞成咁。
其实，万佛朝宗，都系一个字——钱！做生意讲利润，所以一定拣低成本加大钱流，就系咁简单。P哥指出：
一、用点心车，需枱与枱间通道加大，即要减少枱的数目。每张枱都计收入，若能摆多几枱的话，必做，所以先淘汰点心车。
二、用点心车，即要揾人推，而每次推出的数量有限，加上客人围住又拣又抢，令点心由出厨房到上枱的效率大减，费时又多，直接拖慢翻枱速度，做少好多生意。
三、客人左揭右揭，一边讲一边揭，口水喷喷，以今时今日的卫生要求，完全唔掂。
四、用点心纸及QR code可以一条龙搞掂，出错机会少得多。
P哥话，如今大会堂有间酒楼仍推点心车，但成本高，故收费贵，唔介意，去𠮶度怀旧啦！
曾智华
人人热烈怀缅的，是昔日饮茶有推车仔俾你拣点心，逐笼揭，啱就攞。冇似如今，间间唔系填纸就系扫QR code，冇晒「抢点心」的热闹情怀。不过，一切变化必有其道理。酒楼集团掌舵老友P来讯，详细解释点解会搞成咁。
其实，万佛朝宗，都系一个字——钱！做生意讲利润，所以一定拣低成本加大钱流，就系咁简单。P哥指出：
一、用点心车，需枱与枱间通道加大，即要减少枱的数目。每张枱都计收入，若能摆多几枱的话，必做，所以先淘汰点心车。
二、用点心车，即要揾人推，而每次推出的数量有限，加上客人围住又拣又抢，令点心由出厨房到上枱的效率大减，费时又多，直接拖慢翻枱速度，做少好多生意。
三、客人左揭右揭，一边讲一边揭，口水喷喷，以今时今日的卫生要求，完全唔掂。
四、用点心纸及QR code可以一条龙搞掂，出错机会少得多。
P哥话，如今大会堂有间酒楼仍推点心车，但成本高，故收费贵，唔介意，去𠮶度怀旧啦！
曾智华
最Hit
更多文章
