曾智华 - 怀旧鱼翅灌汤饺｜禄禄无穷
曾智华
2023-04-28 00:00 HKT
字體大小
过去10年，基于种种原因，香港不少老字号消失。可能是下一代冇兴趣接手；可能是股东或兄弟不和；可能是租金太贵挨不过疫情；可能无心恋战⋯⋯
其中一间，我以为经已消失了的，正是「富豪饭堂」福临门，熟客称「福记」。
昔日在湾仔庄士敦道叱咤一时，出入者视之为身份象征。理所当然并非草根甚至中级价钱。但能长年屹立，当然有其吸引力，正是出品绝对高质素。
近年，闻得原股东上一代拆伙，下一代也因经济困境，出现好多问题。小弟只从小道消息得知，但既非熟客，也不太关注。
不过，上周老友S哥想倾合作，一约，就话约去福临门。我的反应：（一）乜唔系蒸发咗咩？（二）使唔使咁重锤去「福记」啊，有咩重要嘢倾啊！
对方答曰：「碌Sir，福记俾朱太买咗，继续做啊，九龙店搬咗去九龙湾金利丰国际中心。我系熟客，有九折，物有所值！」
好，去去去。发觉，上座全部熟客。因一睇就知非富则贵兼上晒年纪，不少坐轮椅由外佣陪同，总之追住「福记」招牌帮衬。
是日食咗叉烧肠粉、瑶柱珍珠鸡及叉烧包等普通点心，冇得唔服，水准极高。尤其一只鱼翅灌汤饺（图），收你160元，真系畀足料，茶市爆泻，绝对有因！
曾智华
其中一间，我以为经已消失了的，正是「富豪饭堂」福临门，熟客称「福记」。
昔日在湾仔庄士敦道叱咤一时，出入者视之为身份象征。理所当然并非草根甚至中级价钱。但能长年屹立，当然有其吸引力，正是出品绝对高质素。
近年，闻得原股东上一代拆伙，下一代也因经济困境，出现好多问题。小弟只从小道消息得知，但既非熟客，也不太关注。
不过，上周老友S哥想倾合作，一约，就话约去福临门。我的反应：（一）乜唔系蒸发咗咩？（二）使唔使咁重锤去「福记」啊，有咩重要嘢倾啊！
对方答曰：「碌Sir，福记俾朱太买咗，继续做啊，九龙店搬咗去九龙湾金利丰国际中心。我系熟客，有九折，物有所值！」
好，去去去。发觉，上座全部熟客。因一睇就知非富则贵兼上晒年纪，不少坐轮椅由外佣陪同，总之追住「福记」招牌帮衬。
是日食咗叉烧肠粉、瑶柱珍珠鸡及叉烧包等普通点心，冇得唔服，水准极高。尤其一只鱼翅灌汤饺（图），收你160元，真系畀足料，茶市爆泻，绝对有因！
曾智华
最Hit
更多文章
