曾智华 - 串到爆炒饭｜禄禄无穷
曾智华
2023-04-14 00:00 HKT
字體大小
为食友饭聚，大家最怕见到的是「洁癖怪」，带埋私人火酒，乜都抹餐饱，以及「健康怪」，乜都话唔食得，呢样塞血管，𠮶样致癌，又话乜乜物物会导致三高，样样走咸走甜走油。
遇到上述两类人，小弟一律敬而远之，等佢哋自己物以类聚可也。我呢，道不同矣。
饮食有其文化，胡乱改动绝对坏大事。早年香港有位美食家兼紫微斗数大师，名王亭之（真名谈锡永），基于有料到，充满傲气，对睇唔过眼的事绝不卖帐。
大师86年已移民，现居加拿大。小弟老友邱威廉乃佢弟子。某次专诚到加拿大拜访，见证师傅在某大酒楼要求「阔佬炒饭」，即瑶柱蛋白炒饭。上枱时，呈灰白色，显示此饭起镬用油太少，也不勤于洗镬，遂一言不发，拂袖而去，不及格食物，绝不入口。
王亭之厨功又如何？甚劲！尤其炒饭，创出独门的「胆固醇炒饭」，摆明串不懂饮食文化的「健康狂」。呢味炒饭绝对「违反潮流」，用料包括龙虾膏、虾子、蟹子、瑶柱、蛋白、咸蛋黄、膶肠及猪油渣。当然，要用足高质素的生油起镬！
香港有冇得食？冇，除咗一间，一哥鲍鱼那间富临饭店。点解我知？因为上周邱威廉带小弟去品尝咗一碟也（图）。
果然浓香扑鼻。怕唔怕胆固醇？你话呢？
曾智华
遇到上述两类人，小弟一律敬而远之，等佢哋自己物以类聚可也。我呢，道不同矣。
饮食有其文化，胡乱改动绝对坏大事。早年香港有位美食家兼紫微斗数大师，名王亭之（真名谈锡永），基于有料到，充满傲气，对睇唔过眼的事绝不卖帐。
大师86年已移民，现居加拿大。小弟老友邱威廉乃佢弟子。某次专诚到加拿大拜访，见证师傅在某大酒楼要求「阔佬炒饭」，即瑶柱蛋白炒饭。上枱时，呈灰白色，显示此饭起镬用油太少，也不勤于洗镬，遂一言不发，拂袖而去，不及格食物，绝不入口。
王亭之厨功又如何？甚劲！尤其炒饭，创出独门的「胆固醇炒饭」，摆明串不懂饮食文化的「健康狂」。呢味炒饭绝对「违反潮流」，用料包括龙虾膏、虾子、蟹子、瑶柱、蛋白、咸蛋黄、膶肠及猪油渣。当然，要用足高质素的生油起镬！
香港有冇得食？冇，除咗一间，一哥鲍鱼那间富临饭店。点解我知？因为上周邱威廉带小弟去品尝咗一碟也（图）。
果然浓香扑鼻。怕唔怕胆固醇？你话呢？
曾智华
最Hit
更多文章
