KellyChu - 叹老北京早餐 李家超贴地行老胡同｜Executive日记
KellyChu
2023-03-17 00:00 HKT
字體大小
行政长官李家超继续喺北京拜访中央部委同机构，不过就忙里偷闲，昨日同同事一齐去食咗个醒神嘅老北京早餐，之后仲行咗老胡同菜市场；同时，保安局局长邓炳强就同同事去咗网红店叹新派咖啡，大家行程都非常丰富！
李家超喺社交网站Facebook发文，话为咗感谢香港驻北京办事处同事嘅努力，等今次访京活动顺利进行，昨早专程同同事「去老胡同吃早点，吃一口糖油饼、豆腐脑，尝一下老北京的味道。」又问网友：「大家还有甚么北京美食推介吗？」睇相就知，特首非常享受，笑容满脸同驻京办主任郑伟源、政制及内地事务局局长曾国衞等人交流。佢之后仲不忘同早餐店职员打招呼，一如既往咁亲民。食完早餐之后，特首又同事到访附近老胡同，发现一个开咗十几年嘅菜市场，前几年进行咗升级改造，而家已经「旧貌换新颜」，「我也顺道买了些草莓和大家分享，一起体验胡同里的市井生活！」李家超傍晚亦喺入住嘅洒店，同香港记者茶聚，大家一齐试北京传统饮品豆汁，形容味道「可以」。
另一边厢，一同访京嘅邓炳强就趁机探下派驻北京嘅纪律部队同事，同事带佢去一间百年老鞋店楼上嘅网红咖啡店，齐叹地道美食同新派咖啡，局长惊叹：「传统同潮流结合得天衣无缝，自己去真系唔识揾。」另外，小妹就估局长应该趁机喺楼下买咗对手工布鞋，因为贴文标签写住：「#内联升真系好着」。
Kelly Chu
■邓炳强就去一间网红咖啡店叹咖啡。
李家超喺社交网站Facebook发文，话为咗感谢香港驻北京办事处同事嘅努力，等今次访京活动顺利进行，昨早专程同同事「去老胡同吃早点，吃一口糖油饼、豆腐脑，尝一下老北京的味道。」又问网友：「大家还有甚么北京美食推介吗？」睇相就知，特首非常享受，笑容满脸同驻京办主任郑伟源、政制及内地事务局局长曾国衞等人交流。佢之后仲不忘同早餐店职员打招呼，一如既往咁亲民。食完早餐之后，特首又同事到访附近老胡同，发现一个开咗十几年嘅菜市场，前几年进行咗升级改造，而家已经「旧貌换新颜」，「我也顺道买了些草莓和大家分享，一起体验胡同里的市井生活！」李家超傍晚亦喺入住嘅洒店，同香港记者茶聚，大家一齐试北京传统饮品豆汁，形容味道「可以」。
另一边厢，一同访京嘅邓炳强就趁机探下派驻北京嘅纪律部队同事，同事带佢去一间百年老鞋店楼上嘅网红咖啡店，齐叹地道美食同新派咖啡，局长惊叹：「传统同潮流结合得天衣无缝，自己去真系唔识揾。」另外，小妹就估局长应该趁机喺楼下买咗对手工布鞋，因为贴文标签写住：「#内联升真系好着」。
Kelly Chu
更多文章
