曾智华 - 时光倒流抵食早餐｜禄禄无穷
曾智华
2022-11-16 00:00 HKT
字體大小
上周某朝，因公事要六点开工。之前，当然要食饱饱，点搞？
一般茶餐厅开七点。通宵则有老麦，但非我杯茶。点搞？
唔怕，呢度系香港，一定有通宵食店开。于是揸车落土瓜湾四处兜，兜呀兜，兜到谭公道有间「文记车仔面」，灯光火着，门口写上——二十四小时营业。
掂，立即冲入去！时为清晨五点几。全店有两个长者阿姐睇档，由炒面煲粥，冲奶茶煮车仔面，再到楼面落单抹枱收银，全部两脚踢晒，犀利。
坐低睇餐牌！哗！价钱时光倒流！粥面餐三十一元，包花生眉豆猪骨粥，豉油皇炒面及奶茶。即「柯打」一份。全部当然ready made。
「哥仔，你走运，面刚刚炒起，热腾腾㗎！」
人手不足，阿姐将全部食物放水吧柜面客人自取。面前有一排不锈钢大碗，内有各种配料任攞，包括榨菜、青葱、姜丝、辣椒油……等等。当然，「道具」也是自取。
先将青葱榨菜放粥面， 再全部拿到枱，慢慢叹，睇吓乜嘢水准。
食完，真系冇得唔服呢间文记。喂，究竟佢哋赚乜嘅呢？又要灯油火蜡冷气人工。又要俾咁鬼多嘢你食。竟只收三十一元？
粥，相当得，内有不少猪软骨。炒面，合水准。唯一杯奶茶，用次级奶，饮唔落。各位，住附近，凌晨肚仔饿，杀去帮衬可也！
曾智华
一般茶餐厅开七点。通宵则有老麦，但非我杯茶。点搞？
唔怕，呢度系香港，一定有通宵食店开。于是揸车落土瓜湾四处兜，兜呀兜，兜到谭公道有间「文记车仔面」，灯光火着，门口写上——二十四小时营业。
掂，立即冲入去！时为清晨五点几。全店有两个长者阿姐睇档，由炒面煲粥，冲奶茶煮车仔面，再到楼面落单抹枱收银，全部两脚踢晒，犀利。
坐低睇餐牌！哗！价钱时光倒流！粥面餐三十一元，包花生眉豆猪骨粥，豉油皇炒面及奶茶。即「柯打」一份。全部当然ready made。
「哥仔，你走运，面刚刚炒起，热腾腾㗎！」
人手不足，阿姐将全部食物放水吧柜面客人自取。面前有一排不锈钢大碗，内有各种配料任攞，包括榨菜、青葱、姜丝、辣椒油……等等。当然，「道具」也是自取。
先将青葱榨菜放粥面， 再全部拿到枱，慢慢叹，睇吓乜嘢水准。
食完，真系冇得唔服呢间文记。喂，究竟佢哋赚乜嘅呢？又要灯油火蜡冷气人工。又要俾咁鬼多嘢你食。竟只收三十一元？
粥，相当得，内有不少猪软骨。炒面，合水准。唯一杯奶茶，用次级奶，饮唔落。各位，住附近，凌晨肚仔饿，杀去帮衬可也！
曾智华
最Hit
更多文章
