曾智华 - 猪头贼｜禄禄无穷
曾智华
2022-10-20 00:00 HKT
字體大小
做人做事，在「进步」过程中，一定要交学费，包括做贼！
有钱地方就有贼，此乃永恒不变的现象。不过，贼仔界，也似任何大机构，是一个三角形，最尖端最富有最食脑的，在顶层。中间的为普普通通智能一种。而最低的，也是最多的，正是蠢贼，又名「猪头贼」。
其实，如今不少贼仔，已变精。犯法，不再拣揾命博又或要坐几年监的罪，因学懂研究安全系数。
小弟年轻时，周街是「箍颈党」、「扑头党」。而打劫，铺铺出真枪，以为做大贼好醒。这种罪案，拉到必定重判。事实，若一个唔觉意会搞出人命，可能就要告谋杀，最少都误杀，郁郁坐几十年至终身。
好嘞，如今，以上类型罪案差唔多冇晒嘞。打劫，用返刀，拉到都轻啲。
暴力罪案少咗，但冇暴力的骗案则大增，尤其电话骗案。
有位老友好得闲，某次与电骗小子倾电话刻意唔收线，更访问佢为乜做啲咁嘢。
「阿Sir，好舒服㗎，work from home，o氹你买吓嘢啫，唔会好大危险。打一百个电话中一个，都揾到餐食㗎！」
真系乜人都有。
早几日，又有猪头贼，笑死人冇命赔，扮买家抢一架二手Tesla，以为走得甩。点知，原来佢系科技盲，唔知架架Tesla都有GPS，全天候监控位置。
如此猪头，呢铺学费起码坐一年半载监。
曾智华
有钱地方就有贼，此乃永恒不变的现象。不过，贼仔界，也似任何大机构，是一个三角形，最尖端最富有最食脑的，在顶层。中间的为普普通通智能一种。而最低的，也是最多的，正是蠢贼，又名「猪头贼」。
其实，如今不少贼仔，已变精。犯法，不再拣揾命博又或要坐几年监的罪，因学懂研究安全系数。
小弟年轻时，周街是「箍颈党」、「扑头党」。而打劫，铺铺出真枪，以为做大贼好醒。这种罪案，拉到必定重判。事实，若一个唔觉意会搞出人命，可能就要告谋杀，最少都误杀，郁郁坐几十年至终身。
好嘞，如今，以上类型罪案差唔多冇晒嘞。打劫，用返刀，拉到都轻啲。
暴力罪案少咗，但冇暴力的骗案则大增，尤其电话骗案。
有位老友好得闲，某次与电骗小子倾电话刻意唔收线，更访问佢为乜做啲咁嘢。
「阿Sir，好舒服㗎，work from home，o氹你买吓嘢啫，唔会好大危险。打一百个电话中一个，都揾到餐食㗎！」
真系乜人都有。
早几日，又有猪头贼，笑死人冇命赔，扮买家抢一架二手Tesla，以为走得甩。点知，原来佢系科技盲，唔知架架Tesla都有GPS，全天候监控位置。
如此猪头，呢铺学费起码坐一年半载监。
曾智华
最Hit
更多文章
