曾智华 - 儿时味道鸡丝粉卷｜禄禄无穷
曾智华
2022-10-13 00:00 HKT
字體大小
香港人叹广东茶，有如鬼仔吞汉堡包，日日食都唔厌。
我一辈，非常喜欢有点心车叫卖的茶楼。可惜，因要「经济效益」，几乎全港消失了。另外，五六十年代不少点心品种，也是同样原因再冇乜酒楼肯做。例如大大只的糯米鸡及鸡球大包。简单，你食一只已饱到上心口，速速埋单，咁……舖租及人工咁贵，经营者赚乜？
所以，在人人追求最高毛利下，饱肚点心，日渐消失。
另外部份点心少见，因麻烦难做又或唔留得，必须即做即蒸，卖唔完就要掉，例如鸡丝粉卷（见图），已难在一般酒楼揾到。
不过，难揾唔等于冇！上周「马主L」来电：「喂碌Sir，为食报告，终于俾我揾返儿时味道的鸡丝粉卷喇，正！快啲去叹啦！」
去咪去！呢间「大四喜」，藏在跑马地一条颇难揾的横街，名昌明街。
推门入内，干净企理，食客斯文，跑马地典型，就是令人舒服。
打开点心纸，咦，但竟有近五十款点心选择，唔简单噃。
既专诚来叹鸡丝粉卷，当然立即柯打。另外，七条大汉来次狂风扫落叶，乜都叫！
食饱饱后要评分。咁细间食肆有此高水准，师傅乜背景？噢，原来出自大酒店中菜部，半退休来此，以表演心态过日晨！
曾智华
我一辈，非常喜欢有点心车叫卖的茶楼。可惜，因要「经济效益」，几乎全港消失了。另外，五六十年代不少点心品种，也是同样原因再冇乜酒楼肯做。例如大大只的糯米鸡及鸡球大包。简单，你食一只已饱到上心口，速速埋单，咁……舖租及人工咁贵，经营者赚乜？
所以，在人人追求最高毛利下，饱肚点心，日渐消失。
另外部份点心少见，因麻烦难做又或唔留得，必须即做即蒸，卖唔完就要掉，例如鸡丝粉卷（见图），已难在一般酒楼揾到。
不过，难揾唔等于冇！上周「马主L」来电：「喂碌Sir，为食报告，终于俾我揾返儿时味道的鸡丝粉卷喇，正！快啲去叹啦！」
去咪去！呢间「大四喜」，藏在跑马地一条颇难揾的横街，名昌明街。
推门入内，干净企理，食客斯文，跑马地典型，就是令人舒服。
打开点心纸，咦，但竟有近五十款点心选择，唔简单噃。
既专诚来叹鸡丝粉卷，当然立即柯打。另外，七条大汉来次狂风扫落叶，乜都叫！
食饱饱后要评分。咁细间食肆有此高水准，师傅乜背景？噢，原来出自大酒店中菜部，半退休来此，以表演心态过日晨！
曾智华
最Hit
更多文章
