商界讲呢啲——消费券到手呢几个商场优惠好啱使！

Cally

2021-07-30 04:18 HKT

阅讀更多

內容

　　话咁快差唔多8月，电子消费券好快到手，要点样先可以好好运用手上嘅消费券？Cally收到风几间商场已经抢先推出优惠吸客，唔少都听到心郁郁，不如就睇睇去边间商场优惠最啱你！
　　想买家品家电，梗系要去HomeSquare喇！由8月1日开始，HomeSquare破天荒喺年度盛事「香港家居折」，加码推出超过700件优惠商品，以低至21折发售，产品种类包括电器、家私、厨具、家品等，用Alipay HK、八达通、WeChat Pay或Tap&Go购物，仲可以用低至24折入手唔少优惠套装，最高可得到高达$50商场优惠券，四重优惠疯狂折上折优惠保证，大家都可以满载而归！
　　未谂好买咩，但想拎回赠，可以去荃湾广场同新城市广场。荃湾广场由8月1日至9月26日期间，商场内消费满指定金额，最高可得到$600商场赠券，达10%回赠优惠，而第二赏，The Point会员凭消费可享有高达5倍积分，储积分换到更多精彩礼遇；新城市广场由8月1日至9月30日马拉松式推出「电子消费券加码狂赏曲」，其中「2,000元双重赏」让顾客喺场内消费满2,000元即送1,000元商场购物消费券，回赠高达50%。
　　谂吓谂吓觉得抽奖最抵玩，咁不如去利园区同朗豪坊shopping。希慎集团旗下利园区推出「全民三重赏」，送出总值逾$1,000万奖赏，活动包括「会员大抽奖」，凭指定电子货币于利园区内消费，即可参加大抽奖，有机会获得利园区电子礼券、iPhone 12 Pro同其他丰富礼品；朗豪坊由8月4日起一连两个月推出日日有奖消费抽奖活动，有机会赢取HK$10,000朗豪坊商场现金礼券（名额30个）、100,000会员积分〈名额30个〉、De'Longhi Autentica Cappuccino全自动即磨咖啡机〈价值HK$13,888）等20,000份丰富奖品。
　　去Shopping前真系要比较吓唔同商场嘅优惠，同埋提提你要睇埋用咩支付工具最着数，一于拣定心水商场，再去大买特买喇！
Cally