Executive日记——开记者会焗得滞 陈帆除罩唞气

  天气酷热,戴口罩讲嘢,Kelly罩后成日流到一脸汗。昨天运房局开记者会,讲㓥房租金,局长陈帆讲到一半,突然除咗个口罩,用手揸住,挡住块面,唞咗一阵气,其后戴返,但都要咳几声,真系辛苦晒。
  陈帆局长开记者会时,唔知系唔系因为讲㓥房,或者谂起㓥房又热又焗,加上记者会时间又长,都成九十分钟,成日联想起㓥房嘅翳焗环境,热到要除咗个口罩,但局长好有防疫意识,无将口罩放喺枱面上,而系好似参加面具舞会咁,手持口罩,放系自己面前。
  局长个口罩除咗三分钟就戴返,但Kelly担心局长健康,事关局长之后都有少少咳,但局长新闻秘书话,局长身体健康,只系记者会时间长,局长讲到太焗,多谢大家关心。Kelly建议局长,下次返工或者再开记者会,可以拎埋把风扇仔,或者开大啲冷气,吹住自己,咁就唔会因为翳焗而要除低口罩啦。
Kelly Chu



更多文章