Executive日记——提议揾姜B宣传打针 何栢良冀吸引市民接种
KellyChu
2021-05-05 04:17 HKT
字體大小
港大感染及传染病中心总监何栢良每早上电台，分享抗疫数据，等大家小心啲，Kelly日日都有收听。眼见变种病毒愈嚟愈恶，多国疫情反弹，何栢良希望市民积极接种疫苗，仲好有创见咁建议政府考虑邀请高人气嘅歌手或者艺人，好似男子组合Mirror嘅姜涛等，喺平台公开呼吁粉丝打针，吸引一众「姜糖」支持㖞！
其实请艺人呼吁接种疫苗，内地就先行一步，好似上海虹口区，早前邀请女子偶像团体SNH48担任公益宣传大使，去到疫苗接种现场，为粉丝盖章，成为网络热话。本港疫苗接种率唔高，何栢良就谂到利用明星效应，建议政府邀请万人迷姜涛等艺人，「叫佢哋喺IG讲两句，呼吁市民打疫苗」，相信会带动更多市民愿意打针。
年仅二十二岁嘅姜涛，一八年获ViuTV节目《全民造星》冠军后，人气持续高企，早排仲做埋预防HPV广告嘅代言人。经理人花姐覆返，暂时未收到合作邀约，姜涛最近筹备紧Mirror演唱会，十分忙碌，至于会唔会打针就系后话。网上唔少人都支持何栢良嘅建议，觉得姜涛可以再下一城，仲话可以邀请埋另一男子组合Error队长肥仔一齐宣传，两个人拍住上咁话。
Kelly Chu
其实请艺人呼吁接种疫苗，内地就先行一步，好似上海虹口区，早前邀请女子偶像团体SNH48担任公益宣传大使，去到疫苗接种现场，为粉丝盖章，成为网络热话。本港疫苗接种率唔高，何栢良就谂到利用明星效应，建议政府邀请万人迷姜涛等艺人，「叫佢哋喺IG讲两句，呼吁市民打疫苗」，相信会带动更多市民愿意打针。
年仅二十二岁嘅姜涛，一八年获ViuTV节目《全民造星》冠军后，人气持续高企，早排仲做埋预防HPV广告嘅代言人。经理人花姐覆返，暂时未收到合作邀约，姜涛最近筹备紧Mirror演唱会，十分忙碌，至于会唔会打针就系后话。网上唔少人都支持何栢良嘅建议，觉得姜涛可以再下一城，仲话可以邀请埋另一男子组合Error队长肥仔一齐宣传，两个人拍住上咁话。
Kelly Chu
更多文章
