Executive日记——唐楼重建要揾舖搬 吕仔记门鳝烧卖 粉丝赶住食
KellyChu
2020-07-21 04:16 HKT
字體大小
大家想食大大粒嘅门鳝烧卖，要抓紧机会啦。以好味门鳝烧卖驰名嘅吕仔记，受唐楼将清拆影响，要揾舖位搬，小妹希望小店喺十一月搬得成。无论点都好，粉丝快啲去力撑咁有本地风味嘅食店啦。
喺筲箕湾东大街开业四十多年嘅吕仔记，除咗烧卖出名，粉果、咖哩鱼蛋、生菜鱼肉、碗仔翅等小食都有好多粉丝，仲有腐竹鸡蛋、喳咋等多款糖水，唔单止吸引好多人跨区嚟叹，仲有好多明星支持，店内会见到靓仔东主同好几位名星嘅合照。Kelly日前去帮衬，拮烧卖阿姐认得小妹，仲叫我得闲多啲嚟，原来吕仔记所在嘅一排唐楼，业主将收番清拆改建，而店东仲未揾到新舖位。
烧卖阿姐话：「附近租贵，十一月前就要搬。」小妹惊闻噩耗，即刻叫齐各款小食同糖水大吃一顿，仲想叫碗车仔面，点知车仔面档阿姐话暂停供应，直至另行通知。
小妹将呢个消息话畀为食朋友知，个个话不舍，话要去食烧卖，咁又系，城中真系冇另一间小店用正黄门鳝，唔沟其他品种嘅鱼肉，仲自家㓥鱼、起骨、打鱼浆等繁复工序，日日新鲜制造，所以凭一粒烧卖，吕仔记就深入民心。
Kelly Chu
喺筲箕湾东大街开业四十多年嘅吕仔记，除咗烧卖出名，粉果、咖哩鱼蛋、生菜鱼肉、碗仔翅等小食都有好多粉丝，仲有腐竹鸡蛋、喳咋等多款糖水，唔单止吸引好多人跨区嚟叹，仲有好多明星支持，店内会见到靓仔东主同好几位名星嘅合照。Kelly日前去帮衬，拮烧卖阿姐认得小妹，仲叫我得闲多啲嚟，原来吕仔记所在嘅一排唐楼，业主将收番清拆改建，而店东仲未揾到新舖位。
烧卖阿姐话：「附近租贵，十一月前就要搬。」小妹惊闻噩耗，即刻叫齐各款小食同糖水大吃一顿，仲想叫碗车仔面，点知车仔面档阿姐话暂停供应，直至另行通知。
小妹将呢个消息话畀为食朋友知，个个话不舍，话要去食烧卖，咁又系，城中真系冇另一间小店用正黄门鳝，唔沟其他品种嘅鱼肉，仲自家㓥鱼、起骨、打鱼浆等繁复工序，日日新鲜制造，所以凭一粒烧卖，吕仔记就深入民心。
Kelly Chu
最Hit
《爱回家》男星太太第三度怀孕 三年抱三养子女花费不菲急搲捞 网民：系咪要结扎？
2025-11-10 12:30 HKT
六合彩三奖得主集体「上水」！Threads惊现中奖潮 幸运儿揭开中奖玄机｜Juicy叮
2025-11-10 14:10 HKT
连锁快餐店快闪长者优惠！ 一连七日全单劲减$6 长者咭/乐悠咭均可申请
2025-11-10 12:14 HKT
更多文章
