白头Lo - 齐齐做发展商（十） 圣诞假期北海道房价劲升 日本Airbnb仍供不应求｜白头Lo海外地产专栏
白头Lo
2024-01-13 00:00 HKT
字體大小
圣诞新年长假期完咗，好多人都选择外游，东日物业奥山千香子亦都唔例外，佢趁住假期去咗北海道二世古滑雪，就亲身感受到当地假期嘅住宿有几咁渴市，费用有几咁犀利！佢除咗第一日用$7,500住到Airbnb之外，之后每晚都要俾成$9,000周围住酒店，当地嘅业主都咪话唔和味！
单单一个圣诞档期已经反映到日本嘅旅游住宿有几渴市，千香子直言，疫情期间近乎九成住宿做唔住，随住「世博」渐近，过两个月又到樱花季同暑假旺季，市场供应根本满足唔到需求，装修工人不足嘅情况更加明显，嚟紧出年「世博」先真正系日本旅游住宿业嘅挑战，千香子预计到时$3,000一晚系走唔甩。
过往好似奥运咁大型盛事过后，一般旅游业会随之而下跌，但由于赌场再过几年就起好，能够Keep得到旅游业嘅强劲走势。咁喺新一年佢哋又点睇日本个市呢？千香子认为，日圆回升加上外资涌入，经济好转底下日本即将摆脱通缩进入通涨期，大家嘅资产都会跟住增值。依家香港人嘅消费模式改变咗，转向外地丧买，一样可以寻找海外资产嘅价值揾商机，将个饼做到国际化。
至于东日物业，佢哋今年将会继续因应市场声音度身订造唔同嘅产品，提供全方位嘅服务照顾旅客，包括喺佢哋嘅Airbnb网站提供专车同旅游巴士嘅服务，全面开拓当地嘅旅游板块。
专注海外房地产多年，掌握最新市场投资走势。
最Hit
老字号酒楼时光倒流价！乳鸽/烧鹅濑优惠$19.8 每日茶市供应
2025-11-18 13:01 HKT
金州杀人魔逃亡30年落网 「迷你GG」竟是破案关键 警揭惊人尺寸
2025-11-18 20:35 HKT
更多文章
