头条戏场 - 《眼泪工匠》「中二病」校园甜故 | 头条戏场
头条戏场
2024-05-25 02:00 HKT
字體大小
好钟意睇青春校园类爱情剧集及电影，贪唔使用脑，日韩台系就浪漫啲甜啲怕丑啲，欧美系就狂野啲，有大量kiss同爱情动作场面，最紧要主角配角都靓仔靓女，呢期成脑都系何伯同佢真爱个样，就更需要睇啲靓嘢去冲淡。来自意大利的青少年奇幻痛苦爱情电影《眼泪工匠》，卖点系女一好靓男一好大只，男女同学仔又好出色，虽然剧情非常老土，超级中二病，但男女主角一接触就性张力澎湃，令人「肉」罢不能，坐定定睇到尾。（已上架） 剧照提供：NETFLIX 撰文：廖思慧
故事改编同名小说，睇电影海报及剧情简介，一直以为故事类似《吸血新世纪》，玩奇幻或前世今生或动物化身做人报恩之类，哈，原来系青春校园爱情片。男女主角都在孤儿院长大，深信传说中，世界上有令生不如死的人找回正常情感的「眼泪工匠」，然后未见过父母的男主角Rigel（Simone Baldasseroni饰），跟父母车祸离世变孤儿的女主角Nica。唔知点解，皆认定对方是自己的「眼泪工匠」。
只适合一个人睇
其实电影气氛营造得唔错，全片阴阴寒寒，雨天多过晴天，就算日头都色调偏灰，配上男女主角的古怪暧昧关系，你硬系觉得套戏唔系咁简单。Rigel自细暗恋Nica，但唔可以畀女方知道，长大后两人一齐被领养，离开孤儿院的男方性暗示更强烈，成功引Nica埋身，但又自称是童话故事中的狼，唔吉利blah blah blah，口头禅系「你唔好掂我，你离我远啲」，当然唔系心𠮶句。
好靓又成日着住白色半透睡裙的Nica自觉能拯救Rigel，更为了对方放弃都几有feel的靓仔男同学，不过男主角仍然唔满足，两人不断互相折磨但又互相吸引，前段几场好克制的亲热戏好有感觉，导演好识拍，色色得嚟画面好靓，Rigel舔走Nica面上蛋糕一幕，我翻睇了数次。
头条戏场
男女主角互撩镜头最好睇，可以令你忘记所有讲唔通的剧情。
导演拍情欲镜头好叻，永远徘徊踩界边缘，但又keep到浪漫感。
Caterina Ferioli来自意大利，今年20岁，咪睇佢咁瘦，身材唔错㗎。
男主角Rigel面青口唇白，又易病，但为护女成日同人打交。
女主第一日返学已经吸引男同学目光。
Nica落住雨拒绝男同学Lionel，条白色裙出晒事。
Nica同学仔一个可爱一个有型，身材亦非常唔错。
更多文章
