周显 - 高杠杆因祸得福 | 政政经经
周显
2024-09-12 02:00 HKT
字體大小
有一位青年才俊，在先前的一段时间，事业算是十分成功，但近年市场却传他好唔掂。不过近日有接近该才俊的人士说，他虽然生意不很顺利，但是现金流都OK㖞。
我说：「唔系㖞，听讲话佢手头揸住好多砖头，杠杆好高，俾人call loan㖞。」
知情人士说：「系呀，正系由于他的杠杆好高，兼且连股票的对赌合约都输得甘，咁咪晨早几年已经俾人call loan，果阵时砖头仲有liquidity（流动性）卖咗啲，况且有部分是他十几年前买返嚟，买入价不高，所以部分都有啲钱赚。」
高位卖楼卖艺术品套现
我说：「原来又系王健林翻版，杠杆高反而先甩身，塞翁失马，焉知非福。」
知情人士说：「还有他在低位时买了不少艺术品，升咗几十倍，都套咗好多钱返嚟。」
我问：「艺术品系重灾区，佢沽到咩？」知情人士说：「几年前沽㗎，果阵时仲系高位大把人接货，我check过绝对系事实。」
我叹气道：「一个人唔到山穷水尽，都唔会卖楼同卖艺术品，谁知反而救咗佢，真的是时也命也。」
周显
最Hit
更多文章
