B女心水│「同得威」繼續攞威

第一場新馬賽千二米，我就鍾意「同得威」。佢上仗在今季首場新馬賽旗開得勝，姿態非常輕勝，明顯比起其他幼馬更趨成熟。今仗雖然負磅較重，而且加程二百米亦提升難度，不過至今休息個多月，三歲馬已有充足時間回氣與成長，最近試泥閘留前鬥後，見佢在直路階段追勢吸引，現況更進一步！事實上，此駒上仗跑一千米肯定嫌短，今次增程只會更合腳法，有力繼續攞威。
第五場四班千二米，我嘅心水係「納百川」。 佢上仗初出跑谷草千二米，能夠克服急彎以勁勢後追得亞軍，表現之佳令人喜出望外。三歲馬拼後未有放緩操練，甚至最近再作大閘催谷，早段留有以待，過終點後餘勢甚勁。今次轉戰沙田的好處是直路較長，有助後勁盡情發揮，難得今仗對手不乏前置型馬，得形勢幫助可開勝門！

第一場：1同得威、2超力量、6百勝威龍
第五場：4納百川、1開心寶寶、7智智多寶

緊貼最新最快新聞資訊，請立即下載《星島頭條》App：https://bit.ly/3Q29Vow