謝玲玲做開明媽媽唔過問大仔戀情 Aka為李靄璣新居繪畫

謝玲玲與趙慧珊（Aka）舉行慈善畫展，以提高大眾對遺傳性乳癌的關注。昨晚（14日）舉行酒會，謝玲玲的子女林恬兒、林孝能、林心兒均到場支持母親，但未見有傳與TVB女星胡美貽秘戀的長子林孝賢蹤影。現場亦吸引到貝安琪、李靄璣等出席。

謝玲玲表示今次慈善藝術畫展特別畫了九幅油畫，更認為畫油更加可以表達內心感情、想法及創作，可將顏色同形狀表達出她的心情。她說：「油畫顏色好多姿多采，我學咗油畫十幾年，以前跟國畫大師學畫國畫，之後覺得油畫可以更加表達到我鍾意嘅顏色，我喜歡畫大自然同花草。」她又指今次最喜歡作品「繁花似錦」，當中展現女性多姿多采，非常有意義，希望能夠為女性團體發聲，只是出點心意。提到獲得三子女到場支持，問到大仔林孝賢未見綜影？她說：「佢一早嚟咗恭喜我！（有無恭喜個仔拍拖？）細路哥嘅嘢我唔理，佢都好大個啦！（女友要不要讓你過目？）我依家係好開明嘅媽媽，好尊重仔女做任何事，佢哋都三、四十歲，我已完成教育責任，唔過問任何事情。」有指林孝賢與TVB女星胡美貽秘戀半年，並融入家中與未來奶奶同住。問到謝玲玲可有見過兒子女友胡美貽？她笑說：「我依家唔理，成日飛來飛去。（兒子交女友唔使過你嗰關？）佢可以隨便交朋友。（唔想兒子結婚生仔？）時代唔同，自己開心為主，結婚生仔唔重要，最緊要將自己做好！」謝玲玲隨後叫記者專注活動方面，當再追問她的大仔與女星拍拖，她表示不會理會，繼而避談指大女到場。

為Aka擔任藝術總監的李靄璣，表示跟對方合作了三年，今年特別有意義，因為酒店50周年，加上跟香港遺傳性乳癌家族資料庫合作舉行藝術展義賣，並笑謂一早對Aka其中一幅畫作有興趣，其實年初懷孕期間已見到這幅畫作，當時好想據為己有。Aka透露今次藝術畫展以女性和愛為主題，其中一幅畫有隻靈鳥抱住粒珍珠，當中有個BB，估不到好切合李靄璣懷孕情況。李靄璣說：「本來我想使橫手賣咗呢幅畫，但善事唔可以咁，所以會叫佢用呢個概念同元素再畫多幅畀我，當然要封個大利是畀佢，藝術係有價值。」Aka大爆李靄璣要求她為新居BB房繪畫，亦預留客廳某個角落由她自由發揮畫，但覺得不會有壓力，因為本身喜愛畫畫，又透露為了今次藝術展畫了十幅作品，目標希望籌到50萬。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ