祖馬龍心水│「天天更好」捧場最合理

大賽日前夕，沙田馬場例牌要養草，今次舉行五草五泥混合賽，確係賽果難料，但事實上，根本賭馬是從來都不容易。金融學上嘅名言，風險愈大，回報愈大，不過大家將之理解為賠率愈冷，回報愈大。祖馬龍一直認為風險必須管理，以一個合理承擔嘅風險獲取最大嘅回報。祖馬龍嘅偶像曾經講過，貼冷馬有幾難？中冷馬先至難！

今次揀嚟第五場，一打開報名表，最吸引眼球就係「一世美麗」，呢隻馬必然吸飛，呢次疑點甚多，雖然祖馬龍覺得呢場可以敲冷，但問題係有一堆邊線馬可以博。例如「天天更好」，近幾場遇強組都輸得接近，今場檔佳料更接近；「時尚歡欣」評分有利可敲；「大數據」傷癒，若跑出水準有權出頭；「螢影飛馳」增程用意向善。假如只投注一匹而要分頭合理，「天天更好」會係嗰匹須承擔風險，但回報合理嘅可靠投資。

第五場：11天天更好、1時尚歡欣、4螢影飛馳
第十場：1小鳥天堂、8開心五月、2喜尊龍