港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】《自肥》俏博士唔介意食虫玩曱甴　34B李文洁誓做香港综艺女王

即时娱乐

更新时间：14:25 2021-07-10 HKT
发布时间：22:00 2021-07-09 HKT

「肥妹」Liz生日：1992年2月26日三围：34B、24、33身高：171cm体重：50kg

29岁的李文洁（Liz）早前杀入ViuTV选美真人骚《最后一届口罩小姐选举》12强，虽然最终落败，但幸获阿Dee（何启华）邀拍《ERROR自肥企画》中的单元「咸湿荒岛俏博士」，凭着寸嘴形象与34B、24、33均匀身材，成功弹出！近年由模界踩入电视圈的她，表示会以台湾艺人小S（徐熙娣）为奋斗目标，做个有内涵的搞笑综艺节目主持，更扬言誓当一个「有实力嘅花瓶」，挑战食人生至惊的昆虫都冇问题！撰文：黎宝伦　摄影：张咏森

身高171cm的Liz拥有一双40吋长腿，正！

由模界踩入电视圈的Liz入行近10年，近日终凭「咸湿荒岛俏博士」弹出。

代号「肥妹」的口罩小姐李文洁自18岁开始做模特儿，过去也曾参加ViuTV选美节目《美选D.n.A》和工展小姐，可算是选美常客，「之前都系偶然参加比赛，觉得自己系紧张同未尽力，所以先想试多次、赢番次，虽然冇赢到，但都系一个经验。」并坦言参赛也是为了增加知名度，望将来可担任综艺、旅行、饮食节目主持，「多谢阿Dee叫我去《咸》玩，令更多人识我、工作机会多咗。（真人骚玩曱甴都得？）OK㗎，其实《咸》冇畀昆虫我食都有少少失望，食屎、饮尿就唔好喇，我觉得要循序渐进。（唔怕虫？）惊！所以要熟嘅，建立咗感情先可以接触生嘅。」

自言私下好搞笑的Liz最想做综艺节目主持，更不介意为效果牺牲色相食昆虫。

Liz称在《ERROR自肥企画》中寸阿Dee纯粹节目效果，现实中很尊敬及感激对方邀演出。

自嘲冇身材唔下海
Liz透露稍后会努力经营YouTube Channel，让大家了解寸嘴以外的自己，「主要都系会分享生活趣事、你问我答。（有禁忌话题唔问得？）都冇，之前有个网民问我会唔会拍AV，我都搞笑答番佢，梗系唔会喇，我都冇（身材），你都唔会想睇啦，所以冇谂过呢个方向。」那么可介意性感演出？她直言不抗拒，但不想只留下性感印象，盼观众喜欢其搞笑性格，「始终性感行得唔远，我年纪都唔细，唔性感得好耐。（唔想被标签为花瓶？）我系花瓶呀，但系一个有实力嘅花瓶！花瓶都系好事，唔系想就做到。」Liz霸气笑道，问是否想做谐星？她说：「谐星高层次啲，我想系有内容嘅搞笑而唔系肤浅，好似小S咁，寸得嚟啲人又乐意俾佢寸，为节目效果我都可以飞禽大咬男艺人㗎！」