头条独家│《造星IV》榛綦提Edan即面红入围获家燕姐鼓励

更新时间：17:04 2021-12-08 HKT
发布时间：22:00 2021-12-08 HKT

榛綦虽然身形娇小，但喺台上好Powerful。

《全民造星IV》 62号何榛綦（榛綦）年仅18岁已有丰富演出经验，11岁就加入家燕妈妈艺术中心，其后经选拔成为女团Honey Bees一员，未成年已是女团成员，为何仍参加《造星IV》选女团呢？榛綦透露Honey Bees并没合约限制：「其实佢哋有不断发掘新人，有比我年纪细嘅都会加上Honey Bees呢个组合，我见佢哋而家都有好多表演，都成长咗好多，我都可以算功成身退。」她又坦言想参赛发掘更多可能性，又多谢家燕姐以往给她很多机会。采访：杜杜、秦咏姿摄影：叶君海、谭壹致

获家燕姐鼓励

榛綦透露报名《造星IV》前并没有跟家燕姐商量，她表示：「因为我都唔知自己会唔会入选，所以冇同家燕妈妈讲，但𠮶阵佢都有叫我试吓参加唔同比赛。不过之后佢知我入选到，都有打畀我叫我加油。」而她早就认识同是Honey Bees成员的5号莎莎（坂部佩莎），不过两人并非约埋一齐报名：「我睇到有记者访问佢先知佢有参加，我不嬲都觉得佢好适合做娱乐圈，因为佢比我更加早入家燕妈妈艺术中心，佢有实力又靓，好符合女团标准。」而她则认为莎莎在身高上比她有优势，不过她不觉得自己被比下去，认为娇小身上在舞台上一样可以表现出好Powerful，果然最终莎莎60强止步，她则成功杀到入30强。

首回合被指似评判郑融。

榛綦返屋企都上网睇返郑融啲片，发现台风真系有少少似。

似郑融感荣幸

首回合比赛被评判指有郑融影子，榛綦表示好荣幸：「因为录影𠮶阵系凌晨，唔系几Load到，但听到话我似郑融都有啲兴奋同紧张，觉得真系个好大嘅荣幸。其实我唔知似唔似，我真系有上网专登揾佢啲片睇，有少少似啦！可能我哋都唔系好高，但上到台都有Powerful嘅一面。」

榛綦年仅18岁已有丰富演出经验。

榛綦系家燕妈妈训练出嚟，曾是旗下女团Honey Bees成员之一。

学Edan转数快

《造星IV》引来不少MIRROR及ERROR的Fans报名，就连榛綦都话好钟意MIRROR，不过强调不是因为见偶像才参加比赛。问到她最钟意边位成员，她举出几个例子，不过当说到吕爵安（Edan）就即面红：「好欣赏Edan喺镜头前，都可以带畀大家好多欢乐，佢一啲都唔拘谨，佢𠮶种做自己，我好钟意。」问到最想合作的，当然也是选Edan：「综艺唱歌拍戏都想试吓，想学佢转数咁快。」