港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】唔惯同李施嬅谈情海俊杰靠太太制造机会

即时娱乐

更新时间：18:04 2020-03-19 HKT
发布时间：17:56 2020-03-19 HKT

剧中海仔演的声纹专家「施见贤」，会狂追法医「Dr. Man 」。

相隔20年，海俊杰重返娘家演出收视剧《法证先锋IV》演声纹专家「施见贤」，太耐冇拍港剧，海仔都话最初好唔惯，特别是工作时间比内地剧较长，不过他笑言最唔适应反而是拍谈情戏，更指跟剧中女友李施嬅合作会紧张，竟然要他太太出手叫两人情人节撑枱脚培养感情，难怪两人最近首度合唱新歌《二次缘》时会特别合拍啦！撰文：杜淑霞摄影：梁志明服装：DEGAIA

17年，海仔与拍拖5年的化妆师莫家慈（Effie）结婚。

海仔在《二次缘》的MV中，再次发挥演技。

海仔笑言在内地发展时叹惯，每日都准时收工，所以最初拍《法证》时好唔适应，好彩一班对手都好帮手，特别是黄浩然，「多谢浩然有场屋企戏，我个脑已经实晒，𠮶日啲对白又难，佢见我拍到晕晕哋，就叫我出去唞唞气，困兽斗咁好多个钟头，真系会讲唔到㗎！」

海仔和李施嬅合唱新歌《二次缘》，MV好有戏剧性。

早前海仔联同公司的师弟妹，一齐落区派口罩。

新歌难宣传
不过讲到最唔习惯，海仔竟然是拍住李施嬅会紧张，「我近年喺内地好多时做杀手、英雄、好cool嘅赌王赌神、或者揸枪好Chok𠮶啲，真系好似好耐冇谈情，同太太又老夫老妻，追女仔𠮶啲唔系太记得，真系唔记得咗点样拍拖，所以施嬅成日叫我放松啲，唔好咁紧张。」极之信任海仔的海太莫家慈（Effie），更鼓励他约施嬅情人节去拍拖，认为够胆，「旧年情人节我同施嬅拍紧呢套剧，𠮶日早收工，施嬅顺路车埋我过海，咁啱太太揾我，因为佢喺内地做紧嘢，仲话如果施嬅𠮶日冇街去，叫我哋去拍吓拖㖞！哈哈！得谈笑，当然冇实行啦！（证明太太好信你？）冇啦！我仲会出去识女仔咩。」

讲到跟施嬅初次合唱新歌《二次缘》，海仔话估唔到拍档咁唱得又勤力，但可惜因疫情唔能够周围宣传，「首歌其实仲有国语版，或者等疫情过去，我哋再返内地宣传，𠵱家最紧要大家都安全。」