小一100日同学心声│岭南大学香港同学会小学予孩子「身份认同」 小一生：「原来咁多人食饭好唔同」
发布时间：07:15 2024-12-18 HKT
小一100日同学心声│踏入岭南大学香港同学会小学校园时适逢小息，见同学们除了谈天，竟然还有做功课！问同学仔点解做功课？「做咗返屋企唔使做」，同埋有人话小息好忙，一定要倾偈，因为「上堂唔可以倾偈」，真乖。
同学仔问题：
- 最期待上咩堂？
- 最friend同学叫咩名？
- 学校饭盒好食吗？
小一殷栢晞：一齐食饭好特别
1.视艺，因为我真系好钟意画画，学校仲搞咗个画展（「文艺复兴画展」）畀我哋，有好多名画睇！
2.我有好多朋友 ！（现场所见，个个都栢晞前栢晞后）要拣一个就傲儿。
3.平时系工人姐姐送饭，原来咁多人一齐食饭系好唔同平时。
小一何卓潼：转12个呼拉圈
1.体育课，因为特别钟意游水，已经学识四式，差不多每日都去练习。（怪不得你有个泳镜印）㖊日至游完，因为明天有学界比赛，我好攰啊！（尽力就ok）知道！
2.殷栢晞！我哋同班，佢系好开心嘅，最钟意一齐去操场玩呼拉圈，我可以转到12个。（同时？）同时！
3.学校饭盒都好食，无乜所谓食咩餸，饱就得啦！
小一黎天誉：无饭𠮶餐最好味
1.最期待上常识堂，因为可以学到唔同嘅知识，我好留意太空，最近就睇紧一本《To Jupiter and Beyond》嘅太空书。
2.我个好朋友系何晞蕊，唔知点解成日返学都遇到佢，于是就识咗佢，跟住发现大家都系读一年班，我哋成日去学校个公（花）园仔睇花。
3.（你喜欢食学校嘅饭？）我最喜欢食个餐系无饭嘅！有次，食咗个餐系热狗，又饱又好味，可以响学校食到热狗，好有趣。我食过一次咋！
小一陈昭颖：借书似返番幼稚园
1.最钟意星期三嘅英文课，老师会带我哋去图书馆借书，幼稚园时都有得借书，依家又有，好好。
2 同江洛仪坐同一班校车，我主动问佢「你系边个？」，点知又系同一班，返学可以倾偈，放学又可以倾偈。其实我哋仲钟意去操场买零食，有款蔬菜薯条干干哋又冻冻哋，好味道。（点样冻冻哋？）因为小食部有雪柜。
3.今个月有pizza食，希望下个月都有！
小一陈梓朗：我最钟意上堂
1.体育堂最好，踢波、打篮球、羽毛球、跑步都钟意，我跑得好快！又钟意中文堂，可以学到好多中文字，我钟意睇中文书。（最近睇咗咩书？）唔知。
2.识咗个朋友叫Phraell，小息时同佢一齐玩、食嘢。其实我最钟意课室，小学嘅课室比幼稚园大好多，只要响课室就可以上堂，上堂就可以学嘢。（今日学咗咩嘢？）唔知。
3.日日都喜欢食学校饭，试过有菠萝，酸酸哋，我钟意酸味。（系咪咕噜肉？）唔知。
小一黄祉燊：难忘第一日食牛肉饭
1.电脑堂，因为钟意学电脑知识，自己好喜欢科学和动物。（当日手执National Geographic读物介绍给我）。
2 栢晞，我同栢晞、何卓潼一齐坐校车，柏晞个人好细（细粒），好得意。
3.喜欢饭盒嘅鸡扒、猪扒，最记得第一日响学校食饭，妈妈帮我订咗最喜欢嘅牛肉饭，一打开盒饭就有牛肉，我𠮶日特别开心呀！
岭南大学香港同学会小学吴晓灵校长 与家长同行
为了让孩子更容易适应小学生活，吴校长说整个小一学年都为同学「庆祝」。「由他们踏入学校开始，就会告诉他们已是小学生，给予他们身份认同。」学校也花心思在分班方面保留幼稚园模式。「每班是一位正班主任、三位副班主任，当中一位是外籍老师，师生比例似幼稚园（1比10），课堂上亦分组而坐，让孩子感到仍像处身幼稚园般。」学校没有特定的庆祝仪式，只因「庆祝」对象在家长身上。「学校着重家校合作，早于八月小一适应周时，爸妈也要来上课，九月份正式开学，首个星期也邀请爸妈来做义工，跟孩子一起过小息，每次场面很温馨，亲子不期然抱抱、吃茶点，同时让他们意识到自己已是小学生的家长，要放心将孩子交给老师。」
常说孩子有无限潜能，岭小亦为小一生作出长远规划。「早于适应课时，已请来教育心理学家团队，于学生上课时观察，开学后再来，如果有需要就会于10月份再访校，为所有小一生撰写一份多元智能发展报告，然后在家长日送给家长，这就是学校给每位小一同学的第一份礼物，让家长掌握孩子的各项发展，并跟班主任商量如何协助孩子长远适切发展。」吴校长寄语小一同学最重要是享受小学生活。「未来六年跟老师和同学好好相处，建立友谊，学习良好社交，因为懂得社交已能学懂很多不同范畴的能力。」
文：刘佩桦 图：郑慧盈、受访学校提供
相关文章︳小一100日同学心声︳圣公会油塘基显小学小一生最关心「食」 校长向小一生送上三个字
相关文章︳小一100日同学心声│小一启蒙礼播「成长片段」感动家长 将军澳循道卫理小学校长：孩子适应力比想像强
相关文章︳小一100日同学心声│中华基督教会全完第一小学办小一百日宴 小一生各司其职家长眼泪缺堤
