港男往旧同事居酒屋撑场 $2,900埋单疑被㓥 发文大闹：唔熟唔食！识人贵几旧
发布时间：10:05 2023-09-18 HKT
日前，有港男在网上发文分享自己光顾友人餐厅的经历，以为「朝中有人好办事」，却吃得一肚火，埋单之时更感被㓥，4人午餐足足花了$2,900，份量与收费不成正比，让他深感不忿，直言前同事是「唔熟唔食」！
港男撑旧同事日本居酒屋 埋单$2,900 批性价比奇低
点击图辑即睇港男天价午餐餐点：
到朋友餐厅撑场，难免会期待所谓的「特别招待」，不过最近有港男在Facebook群组「饮食黑店大全 (全港食店质素/价钱/服务关注组)」发文怒轰，自己光顾朋友餐厅的中伏经历。他指自己专程到旧同事开的居酒屋帮衬，同行两位朋友更与店主有10多年交情，当中更有人专诚意由粉岭搭车帮衬。谁知这顿饭，让他们相当失望，更在帖文附上食物照片与单据，让网民齐来评评理。
港男对于这顿午餐价钱尤为不满，表示4个人埋单$2,900，每位$750，虽然吃日本菜不算贵，但食物份量、水准却与价钱不符。「如果一早知呢个价食呢啲嘢，我哋一定唔会过去食！$750人头食个Lunch，我谂应该超多选择」。
事主于帖文中详细讲述自己的餐点，首先是两碟前菜，分别是青瓜与蒜头渍物，事主形容指「青瓜我迟咗嚟无食！蚀咗！」； 而当提到蒜头渍时，即嘲讽份量奇小「之后先知粒粒皆辛苦，𠮶碟嘢$40」。
来到主菜部份，分别有烧鱼、拉面、京都鸭川鸭胸及刺身。事主套餐拉面仅提供两碗，而且需要4个人分，结果「想饮多啖汤底都饮唔到」，配料方面「叉烧，我食咗半旧」、「和牛，我食咗1块仔」。而烧鱼可不是一条上，只有一块疑似鱼骹位置。
另外，京都鸭川鸭胸定价为$288，价钱高昂让事主不禁指「我想问佢拿张货单睇下咪真系京都鸭川货」。最后刺身定价为$600两款，事主吃了5块，有池鱼、北海道角鱼、赤贝等。
吃到最后，事主指「甜品连一个雪糕糯米糍都冇，搞到我哋要自己去买个鸡蛋仔做甜品，衰过食放题！」。最后事主忍不住爆发，直言「总括嚟讲main course就系𠮶一块鱼，系一块唔系一条！ 加个两碗拉面 4 个人食，惨过做乞儿！」。
不过，最让事主感到诧异拉面转牛骨汤，竟要多收他们$10，认为店主斤斤计较。
事后，事主愈想愈气愤，致电询问店主朋友，问道「点解可乐都请唔到」，结果店主指「日日都要点货，报返条数上去」，让事主不禁笑言「店主话自己系大股东，但连请一罐可乐我哋饮嘅权力都冇！我贪小便宜，可乐都要R（搲），我认」。文末，事主直认自己相当后悔，指「如果一早知，我会选择去酒店食brunch，起码唔会坐bar，枱咁贴住坐！今时今日咁样做生意我真系祝你生意兴隆」。
网民笑指朋友都㓥「送比我都唔食！」
帖文一出后，立即引来网民热议！不少网民看完照片后，纷纷留言嘲讽事主「有一班易昆水鱼同事」、「送比我都唔食」；亦有不少网友集中评论餐厅供应的美食「就咁睇张单，其实冇乜边几样价钱特别贵。唔知你系俾佢落order定乜 ，如果系自己单点 冇乜问题。如果佢帮你落，就好明显系帮手清货！」、咁嘅份量…唔算得乜野贵食材….算几贵了」、「果旧咁嘅烟鸭胸$288」、「钱就比左，如果野又唔好食既话，真系火都黎，112蚊4权可乐，不如加钱饮sake」、「4罐可乐收$112, 睇嚟我真系饮唔起可乐」。另外不少网友关注事主与餐厅老板的交情，认为「朋友嚟食嘢，大股东乜都冇送，嚟做乜！」、「朋友系用黎出卖架」、「一罐可乐都收$30就知黑店」、「大义灭亲，十几年朋友都加一」。
资料来源：Facebook群组「饮食黑店大全 (全港食店质素/价钱/服务关注组)」
延伸阅读：内地客西贡食海鲜「被宰割」$21000？网民戥不值：唔怪得旅游业每况愈下 店家嬲爆回应
