小仪忙过辞职前 陪父母饮茶期票未兑现 经营YouTube频道唔想出卖朋友
发布时间：17:45 2025-11-14 HKT
阮小仪今日（14日）到青衣出席煮食产品发布会，示范炖燕窝，小仪指年轻时妈妈经常炖燕窝给她，「想谷靓我」，笑称只有靓，对高度没有帮助。
小仪收入大减换快乐
离开商台后，小仪工作不断，她感激客户支持，笑指外界知道她没有正职后，生活困难，故给予工作帮补「开饭」，问到酬劳是否够食九大簋？小仪指可以用平民的材料去煮；同时表示︰「出嚟闯之后，唔想畀自己太多压力！我好想唞，想多番啲自己时间，但呢个月，估唔到比以前仲多咗工作，尽做！之后会多番啲时间，我仲未陪爸爸妈妈饮茶，佢哋话『得啦，我哋OK！』佢哋好生性，识得自己照顾自己。」小仪真心认为自己幸运，父母也支持她，至于是否觉得太迟离开商台？她说：「又唔系，永远觉得我系啱时间走，啱啱做咗30年，呢段时间走，系自己生日月份入面，好好放松一下，好好enjoy自己嘅生日，我真系咁纯粹。可能好多人话我蠢，应该做埋新年攞埋双粮先。」
小仪指现时收入未至于「当年好红时嘅双倍」，全盛时期的她，又做主持又拍剧兼拍综艺节目，每天凌晨三、四点才回家，第二日行程一模一样，「我记得当时化妆间郭晋安见到我，同我讲︰『你觉唔觉得而家自己个人系灰色？』佢话我面色唔同晒，要留意一下，唞吓。另一个系陈豪，陈豪我就喺停车场见到佢，都系咁讲。」她形容，觉得当时机不可失，「自己人生未试过去到咁高峰，拍《爱情食物链》又做主角。」
小仪考虑约陈豪冲啡
小仪续称，过去辛苦揾钱的日子经已过去，现在不需要太搏命，早已对自己有所交代。提到她可在个人网上频道找一些好朋友受访，小仪称没有去想，她不希望把好朋友与工作挂勾。提议她可与好友一起煮餸？小仪则指可以考虑，例如找王菀之，陈豪就冲咖啡，「可以合作嘅人真系好多，我懒，又好随性，我唔想逼自己，有压力下未必做到好嘢，而家开开心心做𠮶阵，人哋好支持我，（第一条片有20万点击！）所以我更加学到一课︰唔好强求！过往有强求，希望做好啲，而家发觉放松去做，我又快乐，人哋又睇得快乐，呢个系我30年里面学返嚟。」直言现在是收成期，要慢活去感受世界上的美好。
小仪补充，试过在等过马路时，有人叫她加油，她感觉窝心，「可能过往我畀咗啲加油嘅时刻佢哋？而家挠埋手，等佢哋同我加油。我有座右铭，成日都会提醒自己，就系要保持一伙善良嘅心，世界回报畀你嘅嘢，都系善良嘅。」
