岑乐怡离巢ViuTV后追导演梦 将自家创作小说改编成电影
发布时间：00:34 2025-11-04 HKT
岑乐怡（阿妹）今年宣布离开ViuTV，回复自由身后，发展路向似乎更广阔。正忙于做导演的她，目前为短片比赛而努力：「而家每一日我个脑袋都塞爆咗，因为以前做演员，接触嘅嘢有限，而家睇到成个格局，其实理解咗好多以前唔明嘅嘢，每一日都好有趣。」她更坦言下一个目标就是拍电影，将现正撰写的小说改编成长片。
岑乐怡参加微电影短片比赛
岑乐怡一直以来都是以主持、演员等幕前身份被观众认识，但近来她最忙碌的，却是幕后工作。原来她参加了《第十三届微电影「创+作」支援计划（音乐篇）》短片比赛，并成功过关斩将入围，男主角更是RubberBand主音6号（缪浩昌）。岑乐怡：「其实一向都想拍电影做导演，我而家自己写紧本小说，想将佢化成长片，由于未做过导演嘅缘故，开始参加下啲短片比赛，想操练下先。好期待完成本小说，就可以申请拍长片，一步一步咁做。 」
至于由幕前变幕后，原来非一时之兴：「我由细到大都好钟意戏剧，虽然有做演员，但又不拘只系想做演员，幕后写故事、谂嘢、睇镜头语言，都好细个已经有呢个谂法。 『创+作』唔好睇小佢，其实都好繁复。而家每一日我个脑袋都塞爆咗，同埋个whatsapp group好热闹，因为有好多突发事情要处理，而家睇到嘅嘢都几得意，因为以前做演员，接触嘅嘢有限，而家睇到成个格局，其实理解咗好多以前唔明嘅嘢，每一日都好有趣。拍好『创+作』系成为我短期目标。」
岑乐怡热爱行山支持环保
谈到现时遇上的挑战，阿妹思考了一会，却认为挑战反而让她有所领悟，「最难系变化同等待，有啲嘢突如其来变你冇谂过，但有时又会成为一啲契机。个天攞走你一啲嘢好似世界末日咁，但原来系有原因，如果你理解到个启示，用咗佢，可能会令剧本丰富咗，令制作更加精彩。」
岑乐怡热爱行山、大自然，亦与她一直奉行的环保理念相乘，「呢个就冇停过一路都有做，好多团体都会邀请我去分享环保感受，我都会话，好呀好呀夹到时间一定去，希望大家会接受多啲环保呢样嘢。 」
她更直言，这些年间曾有些工作与理念相抵触，而她会选择有钱都不赚！岑乐怡：「我觉得非常唔容易㗎，我都几欣赏自己把关把得几好。有时接工作或者广告邀请，去拍嘅时候，可能𠮶个产品同你嘅理念有抵触，我就唔会接，都揾少好多钱！呢个系我坚守嘅原则，而好处就系发声都会有用啲，尤其环保分子喺香港系超级小众，都好多负面嘅标签喺佢哋身上，如果有个人很企出嚟讲多啲，力量上都畀多啲正面嘅感觉佢哋，同佢哋讲佢哋唔孤单，大家都努力中！ 」满有使命感地成为环保的推动代表。
山系女孩为慈善转为练跑
岑乐怡（阿妹）虽已回复自由身，但对慈善工作的热诚却没有变。最近她担任慈善跑活动的「星级英雄」，不单是鼓励大家参与，连一向是「山系女孩」的她都决心成为跑手，岑乐怡：「知道系帮人我就好易话为，冇谂太多（就参加）。佢哋都有问我有冇跑开步，我其实就行山多，跑步就比较业余。」活动中有不同难度的比赛，阿妹笑言不敢一下子越级挑战，视乎自己的能力再决定跑多长。
