东张西望丨风化案积犯KOL反击强奸指控 唔知有人未成年：叫佢唔好乱上男仔屋企
发布时间：21:30 2024-04-18 HKT
《东张西望》连日来报道一名曾犯多宗风化案的宠物KOL谢先生，被多名女子指控强奸、偷拍性爱片及传播性病。今日（18日）节目终于播出谢先生回应的片段，他承认好色及用借口哄女子回家，不过他坚决否认强奸等指控，亦否认早知伴侣未成年，更反劝：「我话你听，你叫佢小心啲，叫佢唔好乱嚟啦！唔好乱咁上男仔屋企，我话畀你听，大家都有责任。」
相关阅读：东张西望丨KOL疑强奸少女传性病！13岁女受害被逼做一姿势 涉事者女友听恶行情绪激动
宠物KOL现身反击强奸等指控：
《东张西望》近日报道一名曾犯多宗风化案的男子，出狱后成为宠物KOL，被指控以回家看小动物为由，诱骗女子发生性关系，更被指偷拍性交过程，而其中最年轻的受害人仅13岁。受害的女子都表示因担心性爱片流出而没有报警，而被侵犯时亦因为太害怕所以就范。
谢先生：无人未试过唔咸湿
今晚《东张西望》上门找涉事谢先生，起初他拒受访，更不搭升降机，改为行楼梯。及后谢先生站于家中门后一一否认指控，他表示：「我讲真嘅，你有证据就报警！」对于如此严重的指控，谢先生表示好无奈：「记者朋友，你都系男人，我都系男人，无人未试过唔咸湿。我自己做错过任何嘢，我已经承受咗我所谓嘅责任。」对于种种指控，他表示已找律师处理。
相关阅读：东张西望丨纹身男非礼出狱涉诱拐逾20少女 13岁女童控诉惨被夺初夜兼偷拍
谢先生疑曾承认偷拍突反口？
谢先生续指：「如果真系有偷拍，一定有证据，差人会拉我，我而家唔会喺度同你讲嘢啦！」不过有受害人反驳，其实是担心影片外流而不敢轻举妄动，而且在受害人提供的WhatsApp对话截图显示，疑似谢先生曾被女方质问：「谂唔明点解你要喺房set机偷影我。」疑似谢先生表示：「我以为你已经放低咗，如果你都系放唔低，我唔会逼你。始终我真系做错，我可以消失，唔使再令你担心。」疑似承认曾偷拍。但谢先生受访时则否认：「我发誓同你讲我一定绝对没有，就系咁简单。咁严重嘅指控留返警方调查。呢啲嘢……我话你听，唔系你话呢个讲、𠮶个讲，多人去报警咁就话系！我话畀你听好多人都好憎我。」
被指控强奸传性病KOL女友现身：
谢先生坚称女方自愿发生关系
谢先生又主动提到一名指控他的女子，指对方是自愿发生关系，「佢自愿地去发生性行为，佢上嚟我屋企，大家有揽有锡，跟住佢话咗畀我听佢系处女。第二、三次佢入嚟，佢系主动㗎！之后佢突然走返屋企，冇再揾我，第二日佢就话要自杀，𠮶时我已经……之后揾返佢……问佢有咩可以同我讲㗎！之后佢就冇再揾我啦！」《东张西望》再致电该女子了解事件，她表示：「其实当日佢骚扰完我之后，我已经冇再同佢联络。亦都符合返我之前所讲，轻生、食抑郁药嘅受害人唔止一个。我觉得佢已经将一啲……即系曾经同佢交往嘅对象，同一啲受害人混为一谈，从而觉得自己冇错。」
相关阅读：东张西望丨曾犯非礼案纹身男出狱「改头换面」做网红 疑诱骗逾20少女性交兼传播性病
谢先生称不知有伴侣未成年
对于有一位13岁女童自称受害，谢先生指不知情：「你话16岁未够，唔通真系要攞张身份证嚟睇咩？当然！呢样嘢系冇得讲嘅，就算同意下与未成年少女发生性行为都系犯法，但我话畀你听，呢样嘢我真系答你唔到。（主持：但有啲受害人话同咗你讲佢得13岁咋㖞？）黐线，口头讲同面对面讲系两回事嚟，你可以喺对话度……系咪一定系我？呢啲都系无法证实嘅嘢。」而受访期间，谢先生妈妈回家，她被问及是否曾有少女于其家中遗失金钱，她表示没有。据《东张西望》指，谢先生曾犯下多宗风化案，当中多位受害人均未成年，曾入狱的谢先生承认自己曾犯错，表示自己不是好人：「我已经系一个坏咗嘅人。」但表示现时已洗心革面。
相关阅读：东张西望丨健身教练控诉被逼提供性服务！疑似同性恋神父半裸按摩 女教练遭抽水
KOL诱骗少女前情提要？
谢先生认用特别手法哄女子回家
谢先生于受访时竟表示自己有特别手法哄女子回家，亦承认自己曾经好滥交，虽然曾用不同籍口哄女子发生性关系，但他坚称没有强奸对方，直言：「我一日挑逗一条女，我一日约一个女仔，呢个唔得，我点解需要强奸？我点解听日唔约另一个上嚟呀？我真系呃过女仔上床……以前！我而家有女友，有份稳定工作。」有受害人认为他的言论即承认自己的行为有欺骗的成份。而谢先生则劝告指控他的女子：「你叫佢小心啲，叫佢唔好乱嚟啦！唔好乱咁上男仔屋企，我话畀你听，大家都有责任。我有责任，佢都有责任，佢要保护好佢自己。当然你可以话佢细，佢唔识……佢冇经验，但呢啲系自己要去承担。」而明晚（19日）的《东张西望》将继续播出谢先生的访问，他更直认自己有性上瘾问题。
其他文章：
东张西望丨60岁女惹狂蜂浪蝶被邻居针对？反遭指有妄想症：佢话业主用背脊非礼佢
东张西望丨屯门卖唱团大妈爆有卖淫服务？捧场老翁护女神 袭击摄制队变流血事件
东张西望丨内地导游推介黄家驹坟前打卡！乐迷炮轰不尊重 连游客都唔支持
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
