唔使 hk$200 英国食自助餐，究竟伏唔伏呢？
香港人钟意食 buffet，好多朋友都系 buffet fans，每个月最少食一次。英国当然都有得食自助餐，不过就无香港咁方便，梗有一间 buffet 餐厅在左近。在诺定咸都有几家供应自助餐的餐厅，最近试了这家 COSMO。店子在全英有 19 家分店，Bristol、Derby、Manchester、Reading 等都有分店。
餐厅装修时尚，亦有不少厢座，坐得舒服。供应环球美食自助餐，午市自助餐成人收费 £14.99 起，晚市由 £17.99 起，小童价钱则 £8.99 起，可以食足 90 分钟，自助餐本身系唔包饮品，每人加 £3.45 可无限添饮。以香港自助餐的消费来说，不用二百蚊港元就可以食到 Buffet，真系平到笑。
咁平，又有咩食呢？款式粗略计算都有七八十款，香港人最爱的冻龙虾、大虾、翡翠螺，全部没有﹔日式counter 的三文鱼、带子、吞拿鱼、甜虾刺身亦欠奉，只有平时我都唔会望一眼的几款卷物。观乎食物，以热食占多，当中又有不少是香口炸物如炸鸡、炸鱼，当然不乏西式美食如ribs、DIY burger、Pizza、意粉等，中式 counter 亦有咕噜肉、中式煮鱼、点心、各式炒粉面等。Carving counter 虽然有 Roast Beef、Ham、Roast Chicken，可惜 Roast Beef 煮得太干身，嚡过阿婆块面，实在唔合格。
比较好吃的是椒盐炒虾，香口惹味﹔北京填鸭丝夹饼味道也正常，中式点心如叉烧包也做得有办有眼。日式即烧 counter 有厨师即场以铁板烧炮制虾、薄牛扒、鱼柳等，也尚算可口。反而咖喱比较有惊喜，由印度人主理，各式印度咖喱配鸡、羊、鱼等款式唔少，仲有即制 naan bread 同印度脆饼，可以 encore。
甜品款式有十多款，苹果批、bread pudding、芝士蛋糕、puff、brownie 等又唔太差可以食下，自助餐必备的朱古力喷泉、即唧软雪糕当然最受小朋友欢迎，雪糕杯没有 Häagen-Daz (Häagen-Daz 超市买也不贵呢)，却是自家订制的 gluten-free、素食者都啱食的雪糕。
香港的自助餐本来就是世界级高质，加上这儿食材选择少一截，厨师亦无香港咁多元化，奄尖食友如我可能大失所望。又咁讲，一分钱一分货，朋友话唔使二百蚊有得任食，也不能要求太多。
