KellyChu - 买年票内地客翻倍 设深圳地铁新春专列 迪士尼去年丁财旺 圣诞入住率逾9成 | Executive日记
KellyChu
2025-01-17 02:00 HKT
字體大小
踏入新一年，各大机构开始回顾去年业绩及部署新一年发展。作为香港其中一个主题乐园，香港迪士尼向来好受游客欢迎，虽然未系时候正式公布业绩，但园方透露2024年成绩唔错，圣诞节档期酒店入住率超过9成，当中大部分都系非本地游客，更希望咁好嘅势头可以持续到今年春季。
香港迪士尼乐园度假区传讯及公共事务副总裁黎珮珊（Anita），昨日喺传媒午宴上透露呢个业绩好消息，佢亦指现时大湾区系乐园嘅主要市场，上年万圣节活动期间，由深圳来港嘅旅客远超2023年同期，而内地买年票嘅旅客人数更加系翻倍，这些都有赖政府喺旅游政策上嘅支持。
故此园方亦积极发展大湾区市场，最近仲去到深圳大搞新春宣传活动，其中喺深圳湾睿印商场推出新春主题展览，将乐园嘅标志性拱门装置、美国小镇大街装置、Duffy与好友游玩屋装置，以及米奇与好友主题奇妙大街装置等场景搬咗过去，令深圳嘅朋友仔都可以近距离感受香港迪士尼乐园新春魅力！
大家搭深圳地铁11号线和13号线时，亦有机会搭到香港迪士尼乐园新春主题专列，同迪士尼角色开心打卡，喺车厢中沉浸于奇妙主题氛围。
乐园今日开始已正式推出为期一个月嘅蛇年新春庆祝活动，包括将于美国小镇大街送上全新新春表演、新春版「米奇与好友大街狂欢派对」等；Duffy与好友亦已换上贺年服饰同大家拜个好年喇。
此外，不得不推介园方精心炮制嘅新春美食，当中有意头十足嘅「富贵三文鱼捞起」，汤味浓郁又够料嘅「竹笙龙虾羹」，以及福气满满「榆耳猴头菇扣素海参」，海参入味爽弹，可谓出色。
另一道寓意四季丰收嘅「新春有米猪」（烤乳猪配糯米饭），更系深得众人心，皮脆肉嫩之余，识食行家仲话猪油冇大量渗进饭中，保留糯米饭嘅甘香而不腻，师傅好用心。
KellyChu
迪士尼深圳地铁新春主题专列。
深圳湾睿印迪士尼主题新春展览。
烹调得非常出色嘅「新春有米猪」(烤乳猪配糯米饭)。
富贵三文鱼捞起，祝各位蛇年捞到风生水起。
汤味浓郁、龙虾肉落足嘅竹笙龙虾羹。
寓意福禄寿全嘅榆耳猴头菇扣素海参。
农历新年西式甜点拼盘。
迪士尼新春纪念品。
最Hit
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
更多文章
