胡慧冲 - 执靓个样 | 笔泰冲动
胡慧冲
2024-09-27 02:00 HKT
字體大小
所谓医美近年越来越流行，以往有啲男艺员唔好意思俾人知道打过美容针，但而家其实就算你唔讲，见到你个样都好明显知你去打咗。当然以前手术或药物未必咁先进，成效偶有参差，但而家可以话成功率已大大提升，效果更理想。
其实呢一方面喺泰国都好有名，可能因大家习惯吹捧韩国医美，较少人会留意到泰国呢一方面嘅成就，但君不见泰国男仔女仔越来越靓仔靓女？甚至乎男变女、女变男，个样都完全呃到人，全因为医美嘅功劳。喺泰国街上总会见到好多有关打美容针嘅诊所，甚至乎各大商场，都会有一层半层划分专区畀医美诊所开舖，可想而知需求有几大。
最近经朋友介绍去执过个样，打咗啲针，之后朋友话当堂后生咗10年，真系多谢大家夸奖！当然身体发肤，受之父母，针打落去会有少少痛，同埋始终呢类医美唔能够排除有机会走样，但理论上如果医生经验丰富嘅话，失手机会率都唔会太高。
其实刚刚光顾咗一间K字头医美诊所，喺泰国都好出名，除咗医美，更加会提供相关手术，亦有自己嘅医生、护士团队及手术室。一啲涉及大型手术小弟就唔推介畀大家，因为要开刀嘅事情总会存在风险，但一般普通打针，打完出来隔两日已经容光焕发、耳目一新，有兴趣都不妨可以试试。
唔清楚价钱相对香港会唔会平啲，但相信工多艺熟，这里医生替客人打美容针应该比香港的更富经验，因为价钱唔贵而且几普遍。大家睇睇我系咪真系靓仔咗？
胡慧冲
最Hit
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
马场浮世绘｜苗杰美被罚停赛三十日
20小時前
TVB「一线小生」得知爱妻怀孕反应令人感动 紧拥老婆眼有泪光笑不拢嘴：中咗两万奖金
2025-11-12 21:30 HKT
更多文章
