胡慧冲 - 泰国亲子游 | 笔泰冲动
胡慧冲
2024-08-09 02:00 HKT
字體大小
对于某些朋友来说，去泰国旅行就系阳光海滩，有些就追求廉价美食和JJ Market的商品，有些追求米芝莲大餐，甚至乎靓酒店靓Spa……但其实亦有人为咗医疗，甚至乎亲子活动而到来。
唔系好多人知道，其实泰国喺亲子活动方面做得几好，有唔少地方适合大朋友小朋友一齐去。就以曼谷嚟讲，唔少商场都有专为小朋友而设嘅车仔，可以畀小朋友坐喺上面，等家长们推住车仔Shopping，又或者有专为小朋友而设嘅厕所，更加不乏可以畀一家大细去玩嘅大型室内游乐场。话说有一间叫HarborLand嘅大型室内儿童游乐场，疫情之前喺芭堤雅开枝散叶，跟住好多地方都有分店。虽然疫情期间有受到影响，但估唔到疫情过后生意越做越大，除咗喺各区大型商场里面都有佢哋嘅分店，嚟紧仲会开一个水上乐园，呢个地方可以畀小童中童去玩，亦都适合家长带埋小朋友入场一齐玩。如果家长放心又或者唔得闲时刻睇实小朋友，甚至乎可以交畀工作人员陪小朋友玩，场内亦有饮有食，更加重要系地点适中，基本上曼谷各大邻近BTS站商场都有佢哋嘅踪影，除咗外国人，本地人都会去享用呢啲设施。
又或者家长们也可以去大型商场百货，拣一啲国际名牌旗下嘅童装、BB装，等佢哋细细个就接触名牌。虽然系欧洲名牌，但价钱都不至于超离地，当然亦都可以选购现时泰国好流行嘅泰服，等小朋友可以着住泰服影相打卡。所以话，亲子旅游喺泰国都唔系唔Work㗎！
胡慧冲
最Hit
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
更多文章
