胡慧冲 - 为个袋买盒曲奇 | 笔泰冲动
胡慧冲
2024-03-01 02:00 HKT
字體大小
其实呢个系一个好荒谬嘅概念，但为咗安慰自己唯有咁谂。
泰国曼谷嘅LV咖啡店千呼万唤始出来，一位难求，小弟几个礼拜前网上订位，最快都要到4月中先至有位，Walk-in除非你真系咁好彩有死鸡可以执到，但估计机会一定唔会高……
不过咁唔代表唔可以入场参观，虽然冇机会畀你就咁入去坐低食嘢，但部分食品可以外卖，而且如果你讲到明话入去买外卖嘅话，店员都会好有礼貌，好细心带你入去参观讲解。他们都有唔少曲奇饼、法式甜饼每天限量发售，包装精美，大方得体，无论纸盒或铁罐包装都异常高雅，最重要系有LV大字同Logo。
价钱方面最平七百几铢，但更加吸引和令人满足虚荣心的，就系竟然买盒曲奇都会送你一个经典啡黄色配蓝带的LV纸袋！唔再需要去舖头买贵价名牌货品，平平哋买盒曲奇饼都可以得到个LV手袋（手挽纸袋）！
日后大家喺曼谷如果见到我拎住个LV纸袋，唔好以为我屋企有好多名贵LV时装或包包，其实我只不过系买咗几盒曲奇饼。
呢铺绝对系妹仔大过主人婆，但我相信对于部分朋友来讲，尽管未能入去好好品尝一顿下午茶食件饼叹杯茶，单买盒曲奇跟住攞个袋都可能觉得是值得的。
胡慧冲
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
更多文章
