Executive日记——愿望成真基金卖旗 迪士尼公主传递爱

  近日天气都几热,但无阻一班有心人喺明天(周六)卖旗,传送爱心。愿望成真基金明天举行港岛区卖旗日,为实现患重病儿童嘅愿望而筹款,Kelly都会参予埋一份,会喺西环宝翠园港铁站口卖旗,希望大家明日早上路过,嚟帮我买一张好靓嘅迪士尼公主旗仔吖。愿望成真基金呢一次卖旗活动,再次得到华特迪士尼(香港)有限公司嘅爱心支持,以十二位迪士尼公主(白雪公主、灰姑娘、睡公主、艾利奥、贝儿、茉莉公主、宝嘉康蒂、花木兰、蒂安娜、长发公主乐佩、梅莉达及慕安娜)设计咗别出心裁嘅旗纸,愿望成真基金希望透过迪士尼公主所展现出嘅善良、果敢,启发病童以正面乐观的态度、坚毅面对病情!
  呢次咁有意义嘅卖旗,得到愿望成真基金大使陈柏宇同佢女儿Abi(见图)支持,两人首次同场参与慈善活动嘅宣传,真系好有心又sweet。另外,除咗卖旗日当天,基金更亦会推出一系列以迪士尼公主可爱造型嘅精美纪念品,请大家留意基金嘅社交平台!
Kelly Chu



更多文章