Executive日记——理大推「全民通用面罩」 价钱亲民可清洗重用

  疫情严峻,大家面对一场抗疫持久战。理工大学以科研技术挺大家,昨天公布设计咗一系列嘅「全民通用防护面罩」,并即将投入量产,分别为「全民通用防护面罩」及「加强版保护面罩」,可以阻挡飞沫埋身,唔单止价钱平,仲可清洗重用五十次。
  两款防护面罩,由理大工程学院院长兼三维打印技术中心实验室总监文効忠教授同团队研发,以轻巧嘅PET环保塑料制成,用真空吸塑方式制造,仲经反复测试同修改,令人戴上后,好似面前有一道透明嘅保护墙咁,唔会有局促感觉,仲可以避免「起雾」影响视野。
  「全民通用防护面罩」仲有幼童版,小妹觉得对学童嚟讲,最重要系令佢哋捽唔到眼仔同面仔。面罩未来可能四十至五十蚊就有交易,咁样大家都可以一齐长期抗疫啦!
Kelly Chu



■防护面罩仲会推出幼童版。
■防护面罩仲会推出幼童版。
最Hit
更多文章