古星辉 - 增5G设施建盛事之都 | 乜都5G

乜都5G

古星辉

2024-03-15 02:00 HKT

阅讀更多

产经专栏

內容

巨型红心飘浮装置嘅户外展览刚结束不久，随即迎来「艺术三月」嘅文化盛事；各方亦相继传来好消息，包括新增来港自由行嘅内地城市，以及预计能吸引超过200万人嘅「艺术@维港」的夜光蛋户外展览，既吸引旅客亦带动盛事经济。

　　笔者相信，喺一系列体育、文化艺术、音乐盛事嘅助攻下，未来旅客人数将继续上升。最新数字显示，去年全年访港旅客人次，已回复至疫情前55%，而12月旅客人次则回升至疫情前65%。因应盛事旅客群增加，大众对尖东海旁、中环海滨、红馆、会展及亚博馆等大型公众活动空间及场地嘅流动通讯服务需求亦将与日俱增。

早着先机提升网络覆盖

　　有见及此，我哋早已喺香港艺术馆，打造5G公共流动通讯系统，从而提升尖东海旁一带嘅5G覆盖。喺中环海滨场地，我哋亦做过多项城中盛事嘅5G伙伴，提供覆盖完善嘅5G网络。例如去年全港首个世界级大型户外湿身音乐派对——亚洲泼水音乐节（香港站）、前年嘅Artaverse大型艺术科技户外展览等，有工程人员嘅精密计算及部署，要喺短时间内于户外场地提供高速稳定嘅5GWi-Fi，可谓驾轻就熟。

　　唔知大家仲记唔记得，我哋旧年破天荒喺海上邮轮做5G音乐现场直播，等全球观众可以喺社交媒体同步见证香港嘅旅游盛事。呢次创举之后，我哋继续全力打造极致嘅海上通讯体验，早前就喺多个海上热点，包括西环、西贡、鸭脷洲、赤柱及鹤咀对开海面完成网络升级工程，大幅提升海上5G覆盖。

　　5G渗透力强、高速可靠，适合户外使用，而5G流动宽频毋须拉线即插即用，对于喺香港举办各种盛事，可谓大派用场。有关当局话将于今季起，牵头帮助协调多个大型公众活动场地、管理公司及各间电讯商，以助适时增设5G设施；期待与大家携手，为打造盛事之都做好准备！

和记电讯香港执行董事及行政总裁
古星辉