古星辉 - 5G赋能仓储超市管理｜乜都5G
年近岁晚，很多人北上办年货，特别系最近内地有新嘅仓储式超市开幕，疯抢货品嘅情况更墟冚。呢股热潮，正好用以阐述5G喺赋能仓库管理及促进零售业数码化嘅强劲优势。
仓储式超市最大特点系「大」，面积广阔，货架高叠，喺呢种环境下，用Wi-Fi难免有时会有盲点。5G渗透力强，即使于偌大嘅超市、货仓，以至仓储式商场，都能提供高速可靠嘅连接。对于同时喺室内采用各式各样嘅5G方案，例如机械臂、物流机械人、电动手推车等，5G都可以提供重要可靠嘅基础建设。此外，5G覆盖范围大，兼顾室内外流动通讯，更能方便业务管理，例如与司机沟通、送货收货及追踪货品等。
仓储式超市嘅另一特色为「多」，包括人多、货多、手推车亦多。采用高速、低时延嘅5G，可以透过准确嘅大数据分析方案，覤准客户嘅兴趣、年纪、消费习惯等，提供针对式广告及制定更贴合消费者嘅营销策略。
仓储式超市之所以吸引，系因为系货品平靓多，所以做好库存管理系数码化嘅首步。5G能连接海量装置，做到万物互连，用以打造5G物联网，有助以电子记录货品出入及销售情况，做到实时点货、提货；超巿货品资料一目了然，营运效率更高。配合自动化技术，例如应用自动导航车AGV，再加上AI和区块链等技术嘅应用，商户将能更有效监测「人流」和「物流」。
我哋作为新一代嘅数码营办商，除了照顾大众市场嘅需求外，亦以推动各行各业数码转型为己任。5G能促进经济增长，有数据就预期喺2030年，5G升级每年可为全球经济贡献超过6000亿美元，当中零售业系最能受惠于5G嘅行业之一。我哋就好似厨师发办（omakase）一样，全力为唔同行业度身提供最合时宜嘅5G方案，以促进业务发展。今时今日有5G流动宽频，毋须拉线就可以用到5G。企业不论规模大小，大至仓储式超市，细至中小微企，一样系5G同我哋电讯商嘅舞台。
听日系甲辰龙年大年初一，笔者预祝大家龙马精神，心想事成！
和记电讯香港行政总裁
古星辉
