古星辉 - 黄金4小时拓铁路通讯体验｜乜都5G
朋友去完外国旅行返嚟，话有比较先知道原来喺香港搭港铁或火车时，可以如常上网、打机、睇片系几咁幸福。因为喺外地搭地铁，莫讲话睇片，有多时连打电话或上网都要讲彩数。香港流动通讯服务水准之高，真系叫人引以为傲！
要有好嘅铁路站网络覆盖，有赖各方努力。以我哋为例，旧年就开展咗9条港铁线合共65个车站嘅大型网络扩容工程，全力提升客户整体使用体验，工程预期今年首季完成，届时喺地铁打机、睇片更加畅顺！
提升网络容量 有效调配资源
电讯商除咗重视提升工商业区、新落成屋苑及新地标嘅网络覆盖，亦好关注客户喺大型基建、交通枢纽及集体运输工具嘅网络使用体验。
我哋嘅网络扩容工程，针对铁路分阶段喺3个不同范畴进行工程，包括位处黄金地段嘅港铁站、贯穿商业走廊的地铁沿线（包括中环至铜锣湾段、尖沙咀至太子段），以及连接各大口岸及新界北嘅铁路。工程部嘅同事，每日与时间竞赛，喺港铁修车后嘅「黄金4小时」，即凌晨1时至5时，进行测试及拓展工程，分秒必争。
透过增加车站内嘅频谱及网络区域分流等配置，我哋成功提升港铁站内嘅网络容量及有效调配资源。从已经完成工程嘅港铁站所见，客户嘅网络使用量及流畅度显著提升。感谢一班同事嘅努力，共同为缔造更出色嘅流动通讯体验而付出。
复常后，越来越多人北上消费，有见及此，我哋亦大大加强各大口岸及高铁（香港段）沿线覆盖。同事为咗测试网络表现，一日有时来回深圳同福田4、5次，目的就喺等客户可以喺搭高铁北上期间连线上网，尽享世界级通讯服务。
顺带一提，我哋系香港第一间打通内地所有漫游网络嘅电讯商，即系话，如果客户选用我哋嘅「全网通」漫游服务，喺过关后即可接通内地网络，毋须换卡，而且喺收唔到嘅位置，手机又会自动切换至讯号最好嘅网络，方便可靠。
我哋期望整个网络扩容工程完成后，能喺新一年为我哋带嚟更上一层楼嘅流动通讯体验。
和记电讯香港行政总裁
古星辉
