古星辉 - 展现点子与创新的舞台|乜都5G

特首施政报告中,紧扣国家《十四五规划纲要》明确支持香港建设国际创新科技中心嘅定位。喺2023年新兴初创生态系统排名入面,香港位列全球第二、亚洲第一,足证香港创科嘅实力。正如笔者于月初《香港经济峰会》所讲,要发展应用方案,三个「i」,即点子、想像力及创新不可缺一,初创等科研公司,也极需要一个舞台展现实力。

有见及此,公司开设一个数码应用方案展馆DigiBox,呢个位于总部嘅展馆筹备经年,结合咗同事嘅唔少心血,喺今个星期初,我哋举行咗开幕仪式,更邀请咗近百位来自不同行业嘅企业客户出席及参观,场面极之热闹。

七大展区逾40方案 适时更新

DigiBox共分为七大展区,以最热门嘅智慧城市、智慧港口、智慧营销、智慧教育、智慧医护、人工智能与未来及智慧餐厅七大范畴为主题,展示5G结合ABCDE,即人工智能、区块链、云端运算、大数据及边缘运算等崭新科技嘅应用场景,分享科技成果及促进创新,为各行各业提供应用方案平台。馆内现时一共展示咗超过40个崭新5G应用方案,大家可以喺最短时间内,掌握本港创科嘅最新创意项目。

当中笔者认为「智慧港口」甚有特色,同事于面向9号货柜码头嘅位置,配合扩增实境(AR)技术模拟真实世界嘅互动体验,以平板电脑示范透过5G网络遥距操作龙门架吊机,让各位可以亲身体验「智慧龙门架」嘅简便操作,唔少当日出席嘅客户都觉得好有新鲜感。

呢个展馆有无敌嘅5G覆盖,亦有庞大嘅展示场地,而展区主题及展示方案更会适时更新,我哋嘅企业部同事更可以就商品化提出意见,加速方案推出市面,令初创精英行少啲冤枉路,听同事讲,已经有唔少机构预约参观,如果机构朋友有兴趣嘅话,不妨电邮至[email protected]

今天冬至,祝各位读者团团圆圆,并预祝圣诞快乐。

和记电讯香港行政总裁

古星辉

更多文章