古星辉 - 体验漫游「全网通」｜乜都5G
古星辉
2023-12-15 00:00 HKT
字體大小
圣诞新年系传统旅游旺季，除咗北上以外，日、韩、泰、澳洲都系港人嘅旅游热点。去旅行最紧要玩得开心，除食住各种安排要好，喺外地能时刻与亲朋保持联络，上网打卡揾资料时得心应手都好重要。今个假期，鼓励大家体验吓漫游「全网通」嘅服务！
一般外游，大家都习惯到深水埗购买当地电话卡或本地漫游预缴卡，到埗前换卡，到达目的地就能接通指定嘅电讯商，换卡时一不小心跌咗张卡就得不偿失。不过万一喺某啲位置或景点收唔到讯号，就用唔到服务。
自动切换讯号最佳网络
但漫游「全网通」就即系个个网络都通，用户毋须换卡，到埗手机即直接通当地网络，而一旦喺收唔到网络嘅位置，电话就会自动切换至当时讯号最好嘅网络；一个网络唔得，切换至第二个、第三个或第四个（若有）。
举例日本有4个台，当用户收唔到Docomo，电话就切换至Softbank、KDDI或者Rakuten，咁样为之「全网通」。换句话讲，用户喺任何情况下都会有网络覆盖，能时刻保持在线，对于外游人士，特别系自由行及自驾游来讲，尤其重要。
可能系价钱嘅考虑，一般外游人士都较少选用漫游服务。但其实随著数据普及，市场上有好多漫游计划，费用同买张电话卡差不多，唔使换卡又可随时增值，即买即用，仲要「全网通」，4G及5G皆适用，有提供尊贵服务嘅电讯商，更设有免费热线，为身处外地嘅客户解答任何漫游疑难，极为方便。
要做到全网通，有赖与海外电讯商嘅紧密联系。我哋喺今年7月，就率先打通咗中国内地3大网络，方便港人北上；随后香港以至世界逐渐复常，我哋陆续打通其他热门旅游地点，包括日本、南韩、泰国及澳洲。未来我哋会继续按港人热爱嘅旅游点，全力拓阔漫游「全网通」嘅覆盖地点。
习惯系可以改变嘅，今个圣诞或新年假外游，尝试畀自己一个全新嘅海外漫游通讯体验，感受世界更自由！
和记电讯香港行政总裁
古星辉
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
更多文章
