古星辉 - 5G揉合元宇宙开创商机｜乜都5G

古星辉

2022-12-09 00:00 HKT

阅讀更多

內容

近期喜见香港逐步复常，除咗上月举行嘅《国际金融领袖投资峰会》，上星期又有《香港经济峰会2023》，邀请咗好多政商界翘楚，就「稳经济．寻新路．创机遇」嘅主题分享及讨论。笔者好荣幸参与其中，并借此机会剖析5G如何结合元宇宙，为各行各并业开创新经济机遇。

元宇宙嘅概念近年席卷全球，为我哋嘅生活带来前所未有嘅改变。好多行业纷纷投入元宇宙，例如虚拟演唱会、虚拟艺术、虚拟土地买卖、虚拟商店、虚拟社区等应运而生，喺衣食住行及娱乐方面为大众带嚟虚实并重嘅崭新体验。作为前瞻嘅数码营办商，我哋睇到元宇宙庞大嘅发展潜力，并喺多方面开拓相关业务，包括带动更多元宇宙嘅创新应用，打造全新嘅数码世界。我哋嘅门市就以「双线发展」，除遍布全港嘅线下门市，亦率先喺区块链平台Voxels开设线上旗舰3Shop，将业务拓展至元宇宙，等用户化身成avatars虚拟人物，喺沉浸式嘅虚拟世界体验及购物。
为企业「赋能」促进元宇宙发展

我哋亦同好多技术供应商及多媒体伙伴合作，结合5G网络嘅优势同其他先进技术，为企业客户度身设计解决方案，等佢哋可以轻松喺元宇宙举办多元化嘅虚拟活动，开拓潜在商机。由我哋担任中立嘅技术及商务综合解决方案提供者，无论喺商业对商业（B2B）或商业对客户（B2C）嘅层面，都能为企业「赋能」，促进元宇宙发展。

虽然目前元宇宙仍处于发展阶段，但研究预期2026年，全球25%人口每日会用最少一小时喺元宇宙上，而全球有30%机构会推出与元宇宙相关嘅产品及服务。受疫情影响及时势所趋，好多企业都面对着数码转型嘅洪流。我相信元宇宙透过5G，配合适当嘅商业模式同发展方向，将为各行各业带嚟好多新机遇。
和记电讯香港行政总裁
古星辉