古星辉 - 培育5G新世代专才｜乜都5G

古星辉

2022-12-02 00:00 HKT

阅讀更多

內容

5G嘅推出及极速发展，为各行各业带来庞大的发展潜力，亦启动了新经济发展。要推动新经济，必定要有一班新世代专才，所以培育新世代精英一直系我哋嘅其中一项目标。呢件事可以令企业持续发展，切合上市公司于环境、社会及企业管治（ESG）方面嘅目标。

乘着5G推出，我哋公司喺2020年推出见习专业人员及见习行政人员计划，为一批有志加入行业发展新经济嘅精英建构一个平台，等佢哋可以喺唔同部门学习，好好装备自己迎接不同挑战，亦提供机会尽展所长，喺呢个5G元宇宙新世代帮助公司推广业务；同时设计咗一个逆向导师（reverse mentorship）环节，由佢哋做导师同我哋分享时下最新所见所闻。呢一批新世代主理过大大小小嘅不同项目，好多都令人有耳目一新嘅感觉，部份更系同元宇宙及艺术科技有关。

要培育专才，首先要自小开始启发兴趣，所以我哋喺几年前开始参与香港总商会举办嘅「商校交流计划」，希望接触到更多中学生，令佢哋更早认识到电讯及数码科技。今年我哋获配对咗一间有神校之称嘅女校，而我哋就安排咗呢所学校嘅30位同学，上星期嚟到我哋最新嘅DigiBox商业应用方案展览馆参观，再安排一个设计元宇宙虚拟化身（avatar）嘅课程俾呢班中学生。
女生对数码科技感兴趣

传统眼光以为数码科技属于男孩子玩意，喺今次活动中，我哋发现原来现时女孩子对数码科技相当有兴趣，见到DigiBox内展示嘅各项5G应用方案都表现得非常雀跃，并争取时间亲身试用，而学习设计avatar亦有板有眼。希望呢次活动可以启发到佢哋对数码科技嘅兴趣，日后可以喺呢个方向进修及发展。

DigiBox好欢迎全港学校带你哋嘅学生嚟参观，如果有兴趣嘅话，可以随时联络我哋公司嘅代表。
和记电讯香港行政总裁
古星辉