古星辉 - 5G节能减碳有办法｜乜都5G

乜都5G

古星辉

2022-06-10 00:00 HKT

阅讀更多

产经专栏

內容

政府上月推出绿色债券计划，巿场多咗好多人谈论可持续发展、减碳同环保等概念。笔者早前出席咗一个研讨会，同年轻人分享有关5G网络如何节能，以及5G技术如何推动绿色科技项目嘅应用。

有资料显示，5G嘅耗电量比4G高约七成，预期喺2020年至2030年10年期间，耗电量将急升达160%，主要因为构成5G网络嘅元素，如大规模多输入多输出（Massive MIMO）系统、边缘伺服器、毫米波机站等，对电力需求庞大。作为电讯商，我哋好注重环保，同网络承建商研究咗好多方案，确保喺拓展5G覆盖之余，能够节能减碳，保护环境。
采高效能天线及先进仪器

首先，我哋改变咗天线组件嘅配置，提升咗发射及接收讯号嘅效率，照顾同一样嘅覆盖，就可以减能约30%。我哋又用咗高效能嘅天线，与传统天线比较少咗好多电缆同配件，用喺照顾同样嘅覆盖，能够节能达20%。换另一个角度嚟讲，就系以采用相同电力嘅情况下，能提升覆盖达15%。

此外，我哋采用先进嘅5G仪器，能将多个频谱频段，结合到单一无线电仪器，既可减少耗电量，又能保持一样的网络表现。近年，我哋更加采用咗一个崭新方案，透过人工智能，二十四小时全天候监察不同网络频段嘅使用量，喺深夜或者非繁忙时间，当好少人甚至无人用某频段嘅网络服务时，系统就会自动调节电力开关，可减少耗电量达25%。

总括而言，集以上各种方案于一身，可大幅减少公司5G网络嘅耗电量达50%，而服务水平同客户体验维持不变。

除咗5G网络本身要节能外，5G技术能有效推动绿色科技应用，加强节能减碳。例如5G高清会议方案，不但疫情期间方便大家在家工作，亦可减少不必要嘅出行，有效减低交通运输的温室气体排放。

又例如车联网嘅应用，对于建构可持续发展嘅未来一样重要。车联网系绿色智慧交通嘅重要一环，透过5G进行高速、低时延嘅互连，能准确有效控制交通流量，减少道路挤塞。少咗车，少咗塞车，即系少啲温室气体排放，对保护环境好有帮助。
和记电讯香港执行董事及行政总裁
古星辉