古星辉 - NFT高速发展愈变愈有｜乜都5G

古星辉

2022-05-13 00:00 HKT

阅讀更多

內容

提起NFT，大家最关注嘅系成交价钱同成交速度，根据数据网站NonFungible嘅资料显示，上星期NFT每日平均销量唔到2万个，同去年九月份每日22.5万个比较，整体下跌超过9成！系咪代表NFT只系昙花一现嘅三个英文字呢？

事实系，NFT产业仍然处于高速发展阶段，有报道指出，亚太区区块链技术市场，现时以每年54%嘅速度增长。而好多公司都积极研究紧由元宇宙、NFT同加密货币等Web3产物带嚟嘅新商机。
不可复制方便认证

到底NFT系咪就系一幅大家成日见到嘅8-bit jpg图咁简单？大家有留意嘅话，一段短讯、一条声带、一个片段，甚至我上回提过嘅游戏宝物都可以NFT化。近期有咖啡连锁店表示，有意计划将NFT作为会籍，持有人会拥有会员身份，于实体店或元宇宙享有不同福利。NFT不可复制、方便认证及转手嘅特性，用嚟做会员认证相当合适。

今年初，台湾就有团队推出咗一个号称全球顶尖酒吧通用嘅NFT，示范收藏及升值以外嘅另一用途。手持呢个「会员证」，每个月去台湾、香港、上海、北京、韩国同日本嘅合作酒吧可以免费换四杯鸡尾酒，甚至可以有购买珍贵稀有嘅酒嘅优先权，而持有人稍后可以参与部份计划嘅投票，将NFT特点全面展现。另一点有趣嘅系，团队今次发行1万个NFT，令此NFT较难炒卖，确保所有会员都系真正爱酒之人。

上个月，香港一个好受欢迎嘅YouTube频道亦都发行NFT，打正旗号以会员制做招徕，为忠实粉丝打造一个社群，并提供独有福利，大家不妨留意日后佢哋呢个新式会员制能够带嚟乜嘢新意思。

近日又出现演唱会假门票新闻，其实要杜绝表演节目出现假门票，用NFT做门票既唔怕假冒，又有收藏价值，仲可以有啲后续活动，延续同观众嘅关系，有得谂。
和记电讯香港执行董事及行政总裁
古星辉